Web Desk 
മാട്രിമോണിയൽ സൈറ്റ് വഴി വിവാഹാന്വേഷണം നടത്തിയ യുവാവിന്റെ എട്ടര ലക്ഷത്തോളം രൂപ നഷ്ടമായി. ചീമേനിയിലെ എം ബിജുവിന്റെ 832150രൂപയാണ് മാട്രിമോണിയൽ തട്ടിപ്പിലൂടെ നഷ്ടമായത്. ഷാദി. കോം മാട്രിമോണിയൽ സൈറ്റ് മുഖേന ബിജു വിവാഹാന്വേഷണം നടത്തിയിരുന്നു. അതുവഴി പരിചയപ്പെട്ട ദേവി, കല്പന എന്നീ പേരുകളിൽ രണ്ടുപേരാണ് ബിജുവിനെ തട്ടിപ്പിനിരയാക്കിയത്. ഒന്നാം പ്രതിയായ ദേവി ഗിഫ്റ്റ് അയച്ചിട്ടുണ്ടെന്ന് ബിജുവിനെ വിശ്വസിപ്പിക്കുകയും രണ്ടാം പ്രതിയായ കൽപ്പന വാട്സ്ആപ്പ് വഴി സർവീസ് ചാർജ് ആണെന്നും പറഞ്ഞ് മാർച്ച് 29 മുതൽ മെയ് എട്ടുവരെയുള്ള ദിവസങ്ങളിൽ പലതവണകളായിപണം കൈപ്പറ്റുകയും ചെയ്തുവെന്നാണ് പരാതി.ബിജുവിന്റെ പരാതിയിൽ ചീമേനി പോലീസ് കേസെടുത്തു അന്വേഷണം നടത്തി വരികയാണ്.
Related Posts:
