റോഡ് മുറിച്ചു കടക്കുന്നതിനിടയിൽ യുവാവ് കാറിടിച്ചു മരിച്ചു

കാഞ്ഞങ്ങാട്: റോഡ് മുറിച്ചു കടക്കുന്നതിനിടയിൽ യുവാവ് കാർ ഇടിച്ച് മരിച്ചു. കൊവ്വൽപ്പള്ളിയിലെ അസീസ് -ആസ്യ ദമ്പതികളുടെ മകൻ മാമു എന്ന സാജിദ് (ഷാജി 43)ആണ് കാറിടിച്ച് മരിച്ചത് . ഇന്നലെ രാത്രി 9 മണിയോടെയാണ് അപകടം ഉണ്ടായത്. കൊവ്വൽപ്പള്ളി ടൗണിൽ സംസ്ഥാനപാത മുറിച്ചു കടക്കുന്നതിനിടയിൽ നീലേശ്വരത്തു നിന്നും കാഞ്ഞങ്ങാട് ഭാഗത്തേക്ക് പോകുകയായിരുന്ന കെ എൽ 60-7656 നമ്പർ കാർ മമ്മുവിനെ ഇടിക്കുകയായിരുന്നു. ഉടൻ ജില്ലാ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ ആയില്ല . സഹോദരൻ: ഷംസുദ്ദീൻ