ബസ്സും ബൈക്കും കൂട്ടിയിടിച്ച് യുവാവ് മരണപ്പെട്ടു

ചെറുവത്തൂർ: സ്വകാര്യ ബസ്സും ബൈക്കും കൂട്ടിയിടിച്ച് ഗുരുതരമായി പരിക്കേറ്റ യുവാവ് മരണപ്പെട്ടു. തുരുത്തി ആലിനപ്പുറത്തെ ഷാഫിയുടെ മകൻ ടി എ അബ്ദുൽ റഹ്മാൻ 25 ആണ് മരണപ്പെട്ടത്. ചെറുവത്തൂരിലെ മൊബൈൽ ഷോപ്പ് ജീവനക്കാരനായ അബ്ദുൽ റഹ്മാൻ രാവിലെ 10 മണിയോടെ കടയിലേക്ക് പോകുമ്പോൾ കാടങ്കോട് കൊട്ടാരം വാതിൽക്കൽ വെച്ചാണ് അപകടത്തിൽപ്പെട്ടത്. അബ്ദുൽ റഹ്മാൻ സഞ്ചരിച്ച ബൈക്കും സ്വകാര്യ ബസും കൂട്ടിയിടിക്കുകയായിരുന്നു . ഉടൻ ചെറുവത്തൂരിലെ സ്വകാര്യ ആശുപത്രിയിൽ എത്തിച്ചെങ്കിലും നില ഗുരുതരമായതിനാൽ മഗ്‌ളൂരുവിലെ മെഡിക്കൽ കോളേജ് ആശുപത്രിയിലേക്ക് കൊണ്ടുപോകുന്നതിനിടയിൽ വഴിയിൽ വച്ച് മരണപ്പെടുകയായിരുന്നു.