Web Desk 
കാസർകോട്: ദേശീയപതയിൽ മയിലാട്ടി പെട്രോൾ പമ്പിന് സമീപം ബൈക്കും സ്കൂട്ടറും കൂട്ടിയിടിച്ച് സ്കൂട്ടർ യാത്രക്കാരനായ യുവാവ് മരിച്ചു. പൊയിനാച്ചി മൊട്ടയിലെ മണികണ്ഠൻ (24) ആണ് മരിച്ചത്. ചൊവ്വാഴ്ച രാത്രി എട്ടോടെയാണ് അപകടം. ബേക്കലിലെ ജ്യൂസ് കടയിൽ നിന്ന് ജോലികഴിഞ്ഞ് വീട്ടിലേക്ക് പോകുമ്പോഴായിരുന്നു സംഭവം.
ബൈക്കോടിച്ച മയിലാട്ടിയിലെ പ്രജ്വലിനെ(23) സാരമായ പരിക്കുകളോടെ കാസർകോട്ടെ സ്വകാര്യ ആശുപത്രിയിൽ പ്രവേശിപ്പിച്ചു. ഇടിയുടെ ആഘാതത്തിൽ രണ്ടു വാഹനങ്ങളും പൂർണമായും തകർന്നു.
രാജേന്ദ്രന്റെയും പ്രസന്നയുടെയും മകനാണ് മരിച്ച മണികണ്ഠൻ. സഹോദരി: രസ്ന (ബാങ്ക് ജീവനക്കാരി മലപ്പുറം)
