കാര്യംകോട് ദേശീയപാതയിൽ വാഹനാപകടത്തിൽപ്പെട്ട യുവാവ് മരിച്ചു

നീലേശ്വരം :ദേശീയ പാതയിൽ കാര്യങ്കോട് പാലത്തിന് സമീപം നിയന്ത്രണം വിട്ട് സ്കൂട്ടർ മറിഞ്ഞ് ഗുരുതരമായി പരിക്കേറ്റ യുവാവ് മരിച്ചു. കണ്ണൂർ ഇരിക്കൂർ ചേവേടിക്കുന്ന് പുതിയ പുറകുന്നുംപുറത്തെ എം.മുഹമ്മദിൻ്റെ മകൻ കെ.പി. നവാസാ (40 )ണ് മരിച്ചത്. ഇന്നലെ വൈകീട്ടായിരുന്നു അപകടം. കോഴിക്കോട് മെഡിക്കൽ കോളേജ് ആശുപത്രിയിൽ ചികിൽസയിലിരിക്കെ ഇന്ന് ഉച്ചക്ക് ഒരു മണിയോടെയാണ് മരണം സംഭവിച്ചത്. നേരത്തെ ഗൾഫിലായിരുന്നു നവാസ്. ഗൾഫിൽ ജോലി ചെയ്തിരുന്ന സ്ഥാപനത്തിൻ്റെ ഉടമയായ നീലേശ്വരം സ്വദേശിയെ കാണാൻ വരുമ്പോഴാണ് അപകടത്തിൽപ്പെട്ടത്.