ഗർഭിണിയായ ഭാര്യയുടെ ചടങ്ങിൽ പങ്കെടുക്കാൻ നാട്ടിലെത്തിയ യുവാവ് ബൈക്ക് അപകടത്തിൽ മരിച്ചു

കുമ്പളയിൽ ദേശീയപാത നിർമ്മാണം നടക്കുന്ന സ്ഥലത്തെ സിമെൻ്റ് കട്ടയിൽ ബൈക്കിടിച്ച് പ്രവാസിയുവാവ് മരണപ്പെട്ടു. ബംബ്രാണ ഉജാറിലെ അജിത് ഷെട്ടി (31) യാണ് മരണപ്പെട്ടത് ഇന്നലെ രാത്രി 9.30 മണിയോടെ കുമ്പള ആരിക്കാടിയിലായിരുന്നു അപകടം. യുവാവ് സഞ്ചരിച്ച കെ എൽ 14.എ.ബി. 8051 നമ്പർ ബൈക്ക് റോഡരികിൽ വെച്ച സിമെൻ്റ് കട്ടയിൽ ഇടി ക്കുകയായിരുന്നു യിരുന്നു. ഗുരുതരമായി പരിക്കേറ്റ അജിത്തിനെ ഉടൻ മംഗലാപുരത്തെ ആശുപത്രിയിലെത്തിച്ചുവെങ്കിലും രാത്രി 10.30 മണിയോടെ മരണപ്പെട്ടു. 23 ന് ഞായറാഴ്ചയാണ് ഗർഭിണിയായ ഭാര്യയുടെ ചടങ്ങുമായി ബന്ധപ്പെട്ട് മസ്ക്കറ്റിൽ നിന്നും ഇയാൾ നാട്ടിലെത്തിയത്. ഉജജാറിലെ പരേതനായ അമ്മു ഷെട്ടിയുടേയും രത്നാവതിയുടേയും മകനാണ്. ഭാര്യ. രൂപശ്രീ. സഹോദരങ്ങൾ: അനിൽ ഷെട്ടി, അനിത. കുമ്പള പോലീസ് മൃതദേഹം ഇൻക്വസ്റ്റ് നടത്തി.