കാസർകോട്ടെ ഹോട്ടലിൽ യുവാവ് ആത്മഹത്യ ചെയ്തത് ഭാര്യയെ കൊലപ്പെടുത്തിയ ശേഷം?

കാസർകോട് താജ് ഹോട്ടലിൽ യുവാവ് ആത്മഹത്യ ചെയ്തത് ഭാര്യയെ കൊലപ്പെടുത്തിയ ശേഷമാണെന്ന് സൂചന. ചെങ്കളയിലെ അസിനാറിനെയാണ് ഇന്നലെ വൈകിട്ട് താജ് ഹോട്ടലിൽ ആത്മഹത്യ ചെയ്ത നിലയിൽ കണ്ടെത്തിയത്. എന്നാൽ ഇയാളുടെ ഭാര്യയെ നോർത്ത് കോട്ടച്ചേരി റെഡ് സ്റ്റാർ ക്ലബ്ബിന് സമീപത്തെ വാടകവീട്ടിൽ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. നെല്ലിക്കട്ട സ്വദേശി ഫാത്തിമ (42)യുടെ മൃതദേഹമാണ് ക്വാ ട്ടേഴ്സിൽ രക്തത്തിൽ കുളിച്ച നിലയിൽ കണ്ടെത്തിയത്. രണ്ട് ദിവസത്തെ പഴക്കമുണ്ട്. ഭാര്യയെ കൊലപ്പെടുത്തി ശേഷം അസിനാർ ആത്മഹത്യ ചെയ്തതാകാമെന്നാണ് പോലീസ് സംശയിക്കുന്നത്.