ഗേറ്റ് ദേഹത്തേക്ക് മറിഞ്ഞുവീണ് പിഞ്ചുകുഞ്ഞു മരിച്ചു

കളിക്കുന്നതിനിടയിൽ ഗേറ്റ് ദേഹത്തേക്ക് മറിഞ്ഞുവീണ് രണ്ടര വയസ്സുകാരൻ ദാരുണമായി മരിച്ചു. ഉദുമ പള്ളം തെക്കേക്കരയിലെ വാഹിൻ റാഫിയുടെ മകൻ അബു താഹിറാണ് മരണപ്പെട്ടത്. ഇന്ന് ഉച്ചയോടെയാണ് സംഭവം. മാതാപിതാക്കൾക്കൊപ്പം മാങ്ങാട് യൂണികുനിലെ ബന്ധുവീട്ടിലേക്ക് വന്നതായിരുന്നു അബു താഹിർ. കളിച്ചുകൊണ്ടിരിക്കെ അബദ്ധത്തിൽ ഗേറ്റ് കുഞ്ഞിന്റെ ദേഹത്തേക്ക് മറഞ്ഞുവീഴുകയായിരുന്നു. ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല