സമുദ്രാതിർത്തി ലംഘിച്ച് അനധികൃത മത്സ്യ ബന്ധനം നടത്തുകയായിരുന്നു ബോട്ട് പിടികൂടുന്നതിനിടയിൽ റസ്ക്യൂ ഗാർഡിന് ഗുരുതരമായി പരിക്കേറ്റു. മാവിലാക്കടപ്പുറം ഒരിയരയിലെ ബിനീഷ് (45)നാണ് കാലിന് ഗുരുതരമായി പരിക്കേറ്റത്. ഇയാളെ മംഗളൂരുവിലെ സ്വകാര്യ ആശുപത്രിയിൽ പ്രവേശിപ്പിച്ചു. കഴിഞ്ഞദിവസം പള്ളിക്കര ഫിഷ് ലാൻഡിങ് സെന്ററിൽ നിന്നും 10 നോട്ടിക്കൽ അകലെ വച്ചാണ് അപകടം ഉണ്ടായത്. കോസ്റ്റൽ പോലീസും എൻഫോമെന്റും ചേർന്ന് അനധികൃത മത്സ്യബന്ധനം നടത്തിയ ബോട്ടിനെ പിടികൂടിയപ്പോൾ ബിനീഷ് ബോട്ടിൽ നിന്നും തെറിച്ചു വീഴുകയായിരുന്നു . ബോട്ടിനിടയിൽ പെട്ടാണ് ബിനീഷിന്റെ കാലിനെ ഗുരുതരമായി പരിക്കേറ്റത്.
Web Desk 
