Web Desk 
കാസർകോട്: 970 ഗ്രാം കഞ്ചാവു പൊതിയുമായി മാടായി പുതിയങ്ങാടി സ്വദേശി ഏ.വി.മുഹമ്മദ് അനസിനെ (24) ടൗൺ എസ്.ഐ. പി.അനൂബും സംഘവും പിടികൂടി. ഇന്നലെ രാത്രി 7.15 മണിയോടെ കാസർകോട് കെ.എസ്.ആർ.ടി.സി. ബസ് സ്റ്റാൻ്റിന് സമീപം എയർലൈൻസ് റോഡിലെ മാനസ ഹോട്ടലിനടുത്ത് വെച്ചാണ് ഇയാളെ പിടികൂടിയത്. പോലീസിനെ കണ്ട് ഓടി രക്ഷപ്പെടാൻ ശ്രമിച്ച യുവാവിനെ പിടികൂടി പരിശോധിച്ചപ്പോഴാണ് ഒളിപ്പിച്ചുവെച്ച നിലയിൽ 970 ഗ്രാം കഞ്ചാവ് ശേഖരം പിടികൂടിയത്.
