ഹാഷിഷ് ഓയിൽ കടത്തിയ കേസിൽ പടന്നക്കാട് സ്വദേശിക്ക് പത്ത് വർഷം കഠിനതടവും ഒരുലക്ഷംരൂപ പിഴയും .

മാരക മയക്കുമരുന്നായ ഹാഷിഷ് ഓയിൽ കടത്തിയ കേസിൽ പ്രതിക്ക് പത്ത് വർഷം കഠിനതടവും ഒരുലക്ഷംരൂപ പിഴയും .പടന്നക്കാട് ബിസ്മില്ലമൻസിലിൽ എ.സി റിയാസിനെ (29) യാണ് കാസർകോട് അഡീഷണൽ ഡിസ്ട്രിക്റ്റ്&സെഷൻസ് കോടതി (രണ്ട്) ജഡ്ജ് കെ. പ്രിയ ശിക്ഷിച്ചത്. പിഴയടച്ചില്ലെങ്കിൽ മൂന്ന് മാസംകൂടി അധികതടവും അനുഭവിക്കണം 2022 സെപ്തംബർ 29ന് ഉച്ചയ്ക്ക് ഒന്നര മണിക്ക് ബേക്കൽ കോട്ടയ്ക്ക് സമീപമുള്ള റിസോർട്ടിൽ വെച്ചാണ് മയക്ക് മരുന്നുമായി ഇയാളെ ബേക്കൽ എസ്.ഐ ആയിരുന്ന കെ.സാലിം , അറസ്റ്റു ചെയ്തത്. തുടർന്ന് അന്വേഷണം നടത്തി കോടതിയിൽ കുറ്റപത്രം സമർപ്പിച്ചത് ബേക്കൽ ഇൻസ്പെക്ടറായിരുന്ന യു.പിവിപിനാണ്. പ്രോസിക്യൂഷന് വേണ്ടി അഡീഷണൽ ഗവ:പ്ലീഡർ ജി.ചന്ദ്രമോഹൻ ,അഡ്വ. ചിത്രകല എന്നിവർ ഹാജരായി.