Web Desk 
സ്ഥാപനത്തിന് മുന്നിൽ നിന്നും പുകവലിക്കുന്നത് ചോദ്യം ചെയ്ത യുവാവിനെ രണ്ടംഗസംഘം ആക്രമിച്ചു സംഭവം അറിഞ്ഞെത്തിയ പോലീസിനെ ആക്രമിക്കുകയും മൊബൈൽ ഫോൺ തട്ടിയെടുക്കുകയും ചെയ്തു. സംഭവത്തിൽ ഒരാളെ പോലീസ് അറസ്റ്റ് ചെയ്തു മറ്റൊരാൾ ഓടിരക്ഷപ്പെട്ടു. പടന്നക്കാട്ടെ ടിഎം ക്വാർട്ടേഴ്സിലെ ഷാഹിദിനെയാണ് ഹോസ്ദുർഗ് ഇൻസ്പെക്ടർ പി അജിത്ത് കുമാറും സംഘവും അറസ്റ്റ് ചെയ്തത്. ഇന്നലെ വൈകിട്ട് ആറരയോടെയാണ് സംഭവം. പടന്നക്കാട്ടെ ഇന്റീരിയൽ ഡെക്കറേഷൻ സ്ഥാപനത്തിന് മുന്നിൽ നിന്നും ഭീമനടി പരപ്പച്ചാലിലേ എം രാജന്റെ മകൻ ആർ ഷണ്മുഖ കുമാറി (24) നെയാണ് ഷാഹിദും സുഹൃത്ത് മുബഷീറും ചേർന്ന് ആക്രമിച്ചത്. വിവരമറിഞ് ഇൻസ്പെക്ടർ പി അജിത്തും സംഘവും സ്ഥലത്ത് എത്തിയപ്പോൾ ഇവർ പോലീസിനെ ആക്രമിക്കുകയും ഔദ്യോഗിക കൃത്യനിർവതം തടസ്സപ്പെടുത്തുകയും ചെയ്തു. അക്രമത്തിന്റെ വീഡിയോ പകർത്തുകയായിരുന്ന സ്പെഷൽ ബ്രാഞ്ച്പോലീസ് ഉദ്യോഗസ്ഥന്റെ മൊബൈൽ ഫോണും ഇവർ തട്ടിയെടുത്തു. ഇൻസ്പെക്ടർ അജിത്തും സംഘവും ഷാഹിദിനെ അറസ്റ്റ് ചെയ്തെങ്കിലും മുബഷീർ ഓടി രക്ഷപ്പെട്ടു. ഇവർക്കെതിരെ ഷണ്മുഖ കുമാറിനെ ആക്രമിച്ചതിനും പോലീസിന്റെ ഔദ്യോഗിക കൃത്യനിർവ്വഹണം തടസ്സപ്പെടുത്തിയതിനും പോലീസ് കേസെടുത്തു.
