നിലമ്പൂർ മമ്പാട് ഭാര്യയെ ഭർത്താവ് വെട്ടി കൊലപ്പെടുത്തി. പുളളിപ്പാടം കറുകമണ്ണയിലെ നിഷ മോളെയാണ് ചുങ്കത്തറ സ്വദ്ദേശിയായ ഭർത്താവ് ചെറുവള്ളിപ്പാറ ഷാജി കൊലപ്പെടുത്തിയത്. ഷാജി നിലമ്പൂർ പോലീസിൻ്റെ കസ്റ്റഡിയിലാണ് ഇവർ വാടകക്ക് താമസിക്കുന്ന പുള്ളിപ്പാടത്തെ വാടക ക്വാർട്ടേഴ്സിൽ വെച്ച് ഇന്ന് വൈകുന്നേരം ആണ് നാടിനെ നടുക്കിയ കൊലപാതകം നടന്നത്. ഇവർ തമ്മിലുള്ള വാക്ക് തർക്കതിനിടെയാണ് നിഷാ മോളെ ഷാജി ക്രൂരമായി മർദ്ദിച്ച് വെട്ടി കൊലപ്പെടുത്തിയത്. തലക്ക് ഉൾപ്പെടെ പരിക്കേറ്റ ഇവരെ നിലമ്പൂർ ജില്ലാ ആശുപത്രിയിലേക്ക് കൊണ്ടുപോയെങ്കിലും ആശുപത്രിയിലേക്ക് എത്തുമ്പോഴേക്കും മരണം സംഭവിച്ചു. തലക്കും ശരീരത്തിൻ്റെ പല ഭാഗങ്ങളിലും വെട്ടേറ്റതിൻ്റെയുംമർദ്ദനമേറ്റതിൻ്റെയും പാടുകൾ ഉണ്ട്. മൃതദ്ദേഹം നിലമ്പൂർ ജില്ലാ ആശുപത്രി മോർച്ചറിയിൽ. മദ്യപാനിയായ ഷാജി നിഷയെ പലപ്പോഴും മർദ്ദിച്ചിരുന്നതായും പറയപ്പെടുന്നു, നിലമ്പൂർ സി.ഐ.യുടെ നേതൃത്വത്തിൽ പോലീസ് സ്ഥലത്ത് എത്തിയിട്ടുണ്ട്. ഷാൻ,നേഹ, ഹെനൻ, ഹെന്ന എന്നിവർ മക്കളാണ്.
Web Desk 
