Web Desk 
നീലേശ്വരം നഗരസഭ കൊട്രച്ചാൽ 30- വാർഡ് കോൺഗ്രസ് ഐ കമ്മിറ്റി രൂപീകരണയോഗം എൻ.കെ ബാലകൃഷ്ണൻ മെമ്മോറിയൽ ഹൗസിംഗ് കോളനിയിൽ അഡ്വ. കെ വി രാജേന്ദ്രന്റെ വസതിയിൽ ചേർന്നു. മണ്ഡലം വൈസ് പ്രസിഡണ്ട് കെ സുകു അധ്യക്ഷത വഹിച്ചു. മണ്ഡലം കോൺഗ്രസ് പ്രസിഡണ്ട് ഏറുവാട്ടു മോഹനൻ ഉദ്ഘാടനം ചെയ്തു. നീലേശ്വരം സർവീസ് സഹകരണ ബാങ്ക് പ്രസിഡണ്ട് അഡ്വക്കറ്റ് കെ വി രാജേന്ദ്രൻ, ബ്ലോക്ക് ജനറൽ സെക്രട്ടറിമാരായ എം ബാലചന്ദ്രൻ, രവീന്ദ്രൻ കൊക്കോട്ട് , കെ സുകുമാരൻ,ബാലൻ കൊട്രച്ചാൽ, കെ വി രമണി, എം.ലതീഷ് എന്നിവർ പ്രസംഗിച്ചു. മണ്ഡലം സെക്രട്ടറി കെ വി സുരേഷ് കുമാർ സ്വാഗതവും കെ വി ബിജു നന്ദിയും രേഖപ്പെടുത്തി.
