The Times of North

Breaking News!

നെടുങ്കണ്ടയിലെ മാട്ടുമ്മൽ രാജൻ അന്തരിച്ചു   ★  സാമ്പത്തിക ഞെരുക്കത്തിന് കാരണം സർക്കാരിന്റെ കെടുകാര്യസ്ഥത: പിസി സുരേന്ദ്രൻ നായർ   ★  കണ്ണാടിപ്പറമ്പ് കൊറ്റാളി കാവ് പൂരോത്സവം നാടു വലംവെപ്പ് ആരംഭിച്ചു   ★  യു.ഡി.എഫ് രാപ്പകൽ സമരം - ഇടത് ദുർഭരണത്തിനുള്ള താക്കീതാകും   ★  അനന്തപുരം കിന്‍ഫ്രാപാര്‍ക്കില്‍ യുവാവ് ഷോക്കേറ്റ് മരിച്ചു   ★  മധ്യവയസ്കൻ ട്രെയിൻ തട്ടി മരിച്ച നിലയിൽ   ★  മധ്യവയസ്കൻ ട്രെയിൻ തട്ടി മരിച്ച നിലയിൽ   ★  കുമ്പളപള്ളി സ്കൂൾ വാർഷികവും ,യാത്രയയപ്പും പ്രീ പ്രൈമറി ഫെസ്റ്റും നാളെ   ★  പരപ്പ ഫെസ്റ്റിൽ സംഘടിപ്പിച്ച ആന്റിഡ്രഗ് ക്യാമ്പയിൻ വെള്ളരിക്കുണ്ട് പോലീസ് സ്റ്റേഷൻ ഇൻസ്പെക്ടർ ടി കെ മുകുന്ദൻ ഉദ്ഘാടനം ചെയ്തു.   ★  പന്തൽ കെട്ടുമ്പോൾ വഴക്കു പറഞ്ഞ വയോധികനെ ആക്രമിച്ചു

വൈദ്യുതി വകുപ്പ് കരാർ ജീവനക്കാരനെ അക്രമിച്ച സംഭവത്തിൽ വധശ്രമത്തിന് കേസെടുത്തു

തകരാറിലായ കെ.എസ് .ഇ.ബി മീറ്റർ മാറ്റി സ്ഥാപിക്കാനെത്തി മടങ്ങിയ ജീവനക്കാരനെ ജീപ്പ് കൊണ്ട് ബൈക്ക് ഇടിച്ചുതെറിപ്പിച്ചശേഷം ഇരുമ്പ് വടി കൊണ്ട് അടിച്ചു കൊലപ്പെടുത്താൻ ശ്രമിച്ച സംഭവത്തിൽ ചിറ്റാരിക്കൽ പോലീസ് വധശ്രമത്തിന് കേസെടുത്തു. വീട്ടുടമ ചിറ്റാരിക്കാൽ കാവും തലയിലെ ജോസഫിന്റെ മകൻ മാരി പുറത്ത് സന്തോഷിനെതിരെയാണ് പോലീസ് വധശ്രമത്തിന് കേസെടുത്തത്. കേസെടുത്തതിന് പിന്നാലെ ഇയാൾ ഒളിവിൽ പോയിരിക്കുകയാണ്.

കെ എസ് ഇ ബി കരാർ ജീവനക്കാരനായ തയ്യേനി സ്വദേശിയായ കെ.അരുൺകുമാറിന് നേരെയാണ് ഇന്നലെ വധശ്രമം ഉണ്ടായത്. ജോസഫിന്റെ വീട്ടിലെ വൈദ്യുതി മീറ്റർ മാറ്റി സ്ഥാപിക്കാനാണ് അരുൺകുമാർ മറ്റൊരു തൊഴിലാളിയായ അനീഷിനൊപ്പം വീട്ടിൽ എത്തിയത് . മീറ്ററിന് തകരാർ ഇല്ലെന്നും അതുകൊണ്ടു മാറ്റി സ്ഥാപിക്കേണ്ടെന്നും വീട്ടുടമസ്ഥൻ തടസ്സവാദം ഉന്നയിച്ചു തുടർന്ന് അരുൺ നല്ലോമ്പുഴ ഓഫീസുമായി ബന്ധപെട്ടപ്പോൾ മീറ്റർ മാറ്റി സ്ഥാപിക്കാൻ ആവശ്യപ്പെട്ടു . അതിന്റെ അടിസ്ഥാനത്തിൽ മീറ്റർ മാറ്റി സ്ഥാപിച്ചു മടങ്ങുമ്പോഴാണ് സന്തോഷ്‌ ജീപ്പ്കൊണ്ട് അരുൺ സഞ്ചരിച്ച ബൈക്ക് ഇടിച്ചു വീഴ്ത്തുകയും ഇരുമ്പു വടി ഉപയോഗിച്ച തലക്കും മുഖത്തും ചെവിക്കും അടിച്ചു കൊലപ്പെടുത്താൻ ശ്രമിക്കുകയും ചെയ്തത്. സാരമായി പരിക്കേറ്റ അരുൺകുമാർ ഇപ്പോൾ കാഞ്ഞങ്ങാട് ജില്ല ആശുപത്രിയിൽ ചികിത്സയിലാണ്.

Read Previous

നഗര മധ്യത്തിൽ നിന്നും സ്കൂട്ടറും പണവും മോഷണം പോയി

Read Next

സഹപാഠികളായ രണ്ടു കുട്ടികളെ കാണാതായി

Leave a Reply

Your email address will not be published. Required fields are marked *

error: Content is protected !!
n73