Web Desk 
ഫേസ്ബുക്കിൽ പരിചയപ്പെട്ട യുവതിയെ വിവാഹ വാഗ്ദാനം നൽകി ലോഡ്ജിലെത്തിച്ച ശേഷം പലതവണ പീഡിപ്പിച്ച് സ്വർണ്ണാഭരണങ്ങളും മുക്കാൽ ലക്ഷം രൂപയുമായി മുങ്ങിയ യുവാവിനെതിരെ കേസ്. പഴയങ്ങാടി അടുത്തില സ്വദേശിയ രാഗേഷിനെതിരെയാണ് തിരുവനന്തപുരം കിളിമാനൂർ സ്വദേശിനിയായ 34 കാരിയുടെ പരാതിയിൽ പഴയങ്ങാടി പോലീസ് കേസ്എടുത്തത്.
2022 ഡിസമ്പർ മാസം മുതൽ മെയ് മാസം 23 വരെയുള്ള കാലയളവിൽ ഫെയ്സ് ബുക്കിലൂടെ പരിചയപ്പെട്ട ഇവർ കഴിഞ്ഞ രണ്ട് വർഷമായി പ്രണയത്തിലായിരുന്നു. പിന്നീട് ഗുരുവായൂർ ക്ഷേത്രത്തിൽ വെച്ച് വിവാഹിതരാവുകയും പല തവണ ഗുരുവായൂരിലെ ലോഡ്ജിൽ ഒരുമിച്ച് താമസിക്കുകയും പീഡിപ്പിക്കുകയും ചെയ്തതായും യുവതി പഴയങ്ങാടി പോലീസിൽ നൽകിയ പരാതിയിലുണ്ട്. പിന്നീട് മുങ്ങിയ രാഗേഷ്
ഫോൺ വിളിച്ചാൽ പോലും പ്രതികരിക്കാതായതോടെയാണ് യുവതി വനിതാ സെല്ലിൽ ഉൾപ്പെടെ പരാതി നൽകിയത്ത്. ബലാൽസംഗം, സ്ത്രീ പീഡനം, സാമ്പത്തിക കുറ്റം ഉൾപ്പെടെയുള്ള വകുപ്പ് പ്രകാരമാണ് രാഗേഷിനെതിരെ കേസെടുത്തത്.
