അക്രമ കേസിൽ ജയിൽ മോചിതരായ പ്രതികളെ സ്വീകരിച്ചുകൊണ്ട് നടത്തിയ പ്രകടനത്തിൽ കൊലവിളി മുദ്രാവാക്യം മുഴക്കിയ നൂറു പേർക്കെതിരെ ചന്തേര പോലീസ് കേസെടുത്തു.പടന്ന തെക്കേക്കാട് മുത്തപ്പൻ ക്ഷേത്രമായി ബന്ധപ്പെട്ട തർക്കത്തിൽ വീട് അക്രമിച്ചു എന്ന കേസിൽ ജയിലിൽ കഴിഞ്ഞ പ്രതികൾക്ക് കഴിഞ്ഞദിവസം തെക്കേക്കാട്ട് നൽകിയ സ്വീകരണ പ്രകടനത്തിലാണ് പ്രകോപനപരമായ മുദ്രാവാക്യം മുഴക്കിയത്. സംഭവത്തിൽ റെജി, രമണൻ, പവിത്രൻ, രവി, സുമേഷ് തുടങ്ങി കണ്ടാലറിയാവുന്ന മറ്റ് 95 പേർക്കുമെതിരെയാണ് ചന്തേര പോലീസ് കേസെടുത്തത് കഴിഞ്ഞമാസം ഏഴിന് തെക്കേക്കാട്ടെ ഒരു വീട് ആക്രമിച്ച കേസിലെ പ്രതികൾ ജയിൽ മോചിതരായപ്പോൾ നൽകിയ സ്വീകരണത്തിലാണ് പ്രകോപനപരമായ മുദ്രാവാക്യം മുഴക്കിയത്.
Web Desk 
