പടിഞ്ഞാറ്റം കൊഴുവൽ മാടത്തിൻ കീഴിൽ ക്ഷേത്രപാലക ക്ഷേത്രത്തിലെ ഉദയാസ്തമയ പൂജാ മഹോത്സവം തുടങ്ങി.

നീലേശ്വരം പടിഞ്ഞാറ്റം കൊഴുവൽ മാടത്തിൻ കീഴിൽ ക്ഷേത്രപാലക ക്ഷേത്രത്തിലെ ഉദയാസ്തമയ പൂജാ മഹോത്സവം തുടങ്ങി. ഇതോടനുബന്ധിച്ചുള്ള ആഘോഷ പരിപാടികൾ എം.രാഘവൻ നായർ ഉദ്ഘാടനം ചെയ്തു. ആതുരസേവന രംഗത്ത് അര നൂറ്റാണ്ട് പൂർത്തിയാക്കിയ ഡോ.കെ.സി.കെ.രാജയെ എൻഎസ്എസ് ഡയറക്ടർ ബോർഡ് മുൻ അംഗം പി.യു. ഉണ്ണിക്കൃഷ്ണൻ നായർ ആദരിച്ചു. പടിഞ്ഞാറ്റംകൊഴുവൽ എൻഎസ്എസ് കരയോഗം പ്രസിഡൻ്റ് പി.കുഞ്ഞിരാമൻ നായർ അധ്യക്ഷത വഹിച്ചു. കരയോഗം വൈസ് പ്രസിഡൻ്റ് എം.മധുസൂദനൻ, സെക്രട്ടറി കെ.എം. ഗോപാലകൃഷ്ണൻ നായർ, കരയോഗം വനിതാസമാജം പ്രസിഡൻ്റ് എം.പങ്കജാക്ഷി എന്നിവർ പ്രസംഗിച്ചു. ക്ഷേത്ര കമ്മിറ്റി ചെയർമാൻ പി.രാമചന്ദ്രൻ നായർ സ്വാഗതവും കൺവീനർ കെ. ഗംഗാധരൻ നായർ നന്ദിയും പറഞ്ഞു. ഉത്സവം ഏപ്രിൽ 19 ന് സമാപിക്കും.