The Times of North

Breaking News!

നീലേശ്വരം ചീർമ്മക്കാവ് കുറുബാ ഭഗവതി ക്ഷേത്രത്തിൽ പൂരോത്സവം   ★  സംസ്ഥാനത്ത് ഇന്നും പരക്കെ മഴയ്ക്ക് സാധ്യത; 8 ജില്ലകളിൽ യെല്ലോ അലർട്ട്   ★  ആശുപത്രി ജീവനക്കാരന്റെ മരണം, ഇടിച്ചിട്ട വാഹനവും ഡ്രൈവറും കസ്റ്റഡിയിൽ   ★  കരിവെള്ളൂർ രക്തസാക്ഷി നഗറിനു സമീപത്തെ പി.ജീജ അന്തരിച്ചു.   ★  നെടുങ്കണ്ടയിലെ മാട്ടുമ്മൽ രാജൻ അന്തരിച്ചു   ★  സാമ്പത്തിക ഞെരുക്കത്തിന് കാരണം സർക്കാരിന്റെ കെടുകാര്യസ്ഥത: പിസി സുരേന്ദ്രൻ നായർ   ★  കണ്ണാടിപ്പറമ്പ് കൊറ്റാളി കാവ് പൂരോത്സവം നാടു വലംവെപ്പ് ആരംഭിച്ചു   ★  യു.ഡി.എഫ് രാപ്പകൽ സമരം - ഇടത് ദുർഭരണത്തിനുള്ള താക്കീതാകും   ★  അനന്തപുരം കിന്‍ഫ്രാപാര്‍ക്കില്‍ യുവാവ് ഷോക്കേറ്റ് മരിച്ചു   ★  മധ്യവയസ്കൻ ട്രെയിൻ തട്ടി മരിച്ച നിലയിൽ

തിരഞ്ഞെടുപ്പ് പൊതു നിരീക്ഷകന്‍ (ജനറല്‍ ഒബ്സര്‍വര്‍) റിഷീരേന്ദ്ര കുമാര്‍ ജില്ലയിലെത്തി

2024 പൊതു തെരഞ്ഞെടുപ്പിന്റെ ഭാഗമായി കാസര്‍കോട് ലോക്‌സഭാ മണ്ഡലം പൊതു നിരീക്ഷകന്‍ (ജനറല്‍ ഒബ്സര്‍വര്‍) റിഷീരേന്ദ്ര കുമാര്‍ ജില്ലയിലെത്തി. മുതിര്‍ന്ന എ.ഐ.എസ് ഉദ്യോഗസ്ഥനായ അദ്ദേഹം ഉത്തര്‍പ്രദേശ് കൃഷി വകുപ്പില്‍ സ്‌പെഷ്യല്‍ സെക്രട്ടറിയാണ്. വ്യാഴാഴ്ച രാവിലെ കാസര്‍കോട് ഗവ.ഗസ്റ്റ് ഹൗസില്‍ ജില്ലാ കളക്ടര്‍ കെ.ഇമ്പശേഖര്‍, ജില്ലാ പോലീസ് മേധാവി പി.ബിജോയ്, അസിസ്റ്റന്റ് കളക്ടര്‍ ദിലീപ് കെ കൈനിക്കര എന്നിവരുമായി അദ്ദേഹംചര്‍ച്ച നടത്തി. തുടര്‍ന്ന് കാസര്‍കോട് കളക്ടറേറ്റില്‍ എത്തിയ അദ്ദേഹത്തെ വരണാധികാരിയായ ജില്ലാ കളക്ടര്‍ കെ.ഇമ്പശേഖര്‍ സ്വീകരിച്ചു. നാമനിർദ്ദേശപത്രിക സമർപ്പണ നടപടികൾ അദ്ദേഹം നിരീക്ഷിച്ചു. നിരീക്ഷകരുടെ നോഡല്‍ ഓഫീസര്‍ ലിജോ ജോസഫ് ഒപ്പമുണ്ടായിരുന്നു.

തുടർന്ന് കളക്ടറേറ്റിലെ ഇലക്ഷൻ കണ്‍ട്രോള്‍ റൂം സന്ദര്‍ശിച്ചു. കണ്‍ട്രോള്‍ റൂം നോഡല്‍ ഓഫീസറും എ.ഡി.എമ്മുമായ കെ.വി.ശ്രുതി, നോഡൽ ഓഫീസർആദില്‍ മുഹമ്മദ്, എന്നിവരുമായും കൺട്രോൾ റൂം ജീവനക്കാരുമായും ഒബ്സർവർ സംസാരിച്ചു. ടോള്‍ ഫ്രീ നമ്പര്‍ 1950ലൂടെ വരുന്ന വിവരങ്ങള്‍, സിവിജില്‍ ആപ്പിലൂടെ ലഭിക്കുന്ന പരാതികള്‍ അദ്ദേഹം ചോദിച്ചറിഞ്ഞു.

പൊതു നിരീക്ഷകന്റെ ഫോണ്‍ നമ്പര്‍ 7907671205.

Read Previous

ഭക്ഷ്യവിഷബാധയേറ്റവരെ ഇ പി ജയരാജൻ സന്ദർശിച്ചു

Read Next

എംപിയുടെ പൊറാട്ട്‌ നാടകം പരിഹാസ്യം: സിപിഎം

Leave a Reply

Your email address will not be published. Required fields are marked *

error: Content is protected !!
n73