13 ഓളം കേസിൽ പ്രതിയായ കുപ്രസിദ്ധ മോഷ്ടാവ് അറസ്റ്റിൽ

മോഷണം, കൊലപാതകം, കത്തിക്കുത്ത്, ആയുധം കൈവശം വെക്കൽ തുടങ്ങി പതിമൂന്നോളം കേസുകളിലെ പ്രതിയായ കുപ്രസിദ്ധ ക്രിമിനലിനെ നീലേശ്വരം പോലീസ് ഇൻസ്പക്ടർ കെ.വി ഉമേശനും സംഘവും അറസ്റ്റ് ചെയ്തു.
കോട്ടയം നാട്ടാച്ചേരിക്കേറിൽ ശ്രീദേവ് മോഹനൻ എന്ന വാവാച്ചനെയാണ് കഴിഞ്ഞമാസം പള്ളിക്കരയിലെ വീട്ടിലെ കാർപ്പോച്ചിൽ നിർത്തിയിട്ട ഡ്യൂക്ക് ബൈക്ക് മോഷ്ടിച്ച കേസിൽ ഏറ്റുമാനൂരിൽവെച്ചു അറസ്റ്റ് ചെയ്തത്. ഹോസ്ദുർഗ് ജുഡീഷ്യൽ ഒന്നാം ക്ലാസ് (രണ്ട്) മജിസ്ട്രേറ്റ് കോടതിയിൽ ഹാജരാക്കിയ പ്രതിയെ രണ്ടാഴ്ചത്തേക്ക് റിമാൻഡ് ചെയ്തു.

ഇൻസ്പെക്ടർക്ക് പുറമേ സബ് ഇൻസ്പെക്ടർ പി. പി അശോക് കുമാർ, സീനിയർ സിവിൽ പോലീസ് ഉദ്യോഗസ്ഥരായ അമൽരാമചന്ദ്രൻ, കെ.പി സുരേന്ദ്രൻ, സുമേഷ്, എം.വി , കുഞ്ഞികൃഷ്ണൻ എന്നിവരും മോഷ്ടാവിനെ പിടികൂടിയ സംഘത്തിൽ ഉണ്ടായിരുന്നു. ഈ കേസിൽ കൂട്ടുപ്രതികളായ ജെസ്ലിൻ കോട്ടയം, ശ്രീജിത്ത്‌ ആലപ്പുഴ എന്നിവരെ നേരത്തെ അറസ്റ്റ് ചെയ്തിരുന്നു.