The Times of North

Breaking News!

നെടുങ്കണ്ടയിലെ മാട്ടുമ്മൽ രാജൻ അന്തരിച്ചു   ★  സാമ്പത്തിക ഞെരുക്കത്തിന് കാരണം സർക്കാരിന്റെ കെടുകാര്യസ്ഥത: പിസി സുരേന്ദ്രൻ നായർ   ★  കണ്ണാടിപ്പറമ്പ് കൊറ്റാളി കാവ് പൂരോത്സവം നാടു വലംവെപ്പ് ആരംഭിച്ചു   ★  യു.ഡി.എഫ് രാപ്പകൽ സമരം - ഇടത് ദുർഭരണത്തിനുള്ള താക്കീതാകും   ★  അനന്തപുരം കിന്‍ഫ്രാപാര്‍ക്കില്‍ യുവാവ് ഷോക്കേറ്റ് മരിച്ചു   ★  മധ്യവയസ്കൻ ട്രെയിൻ തട്ടി മരിച്ച നിലയിൽ   ★  മധ്യവയസ്കൻ ട്രെയിൻ തട്ടി മരിച്ച നിലയിൽ   ★  കുമ്പളപള്ളി സ്കൂൾ വാർഷികവും ,യാത്രയയപ്പും പ്രീ പ്രൈമറി ഫെസ്റ്റും നാളെ   ★  പരപ്പ ഫെസ്റ്റിൽ സംഘടിപ്പിച്ച ആന്റിഡ്രഗ് ക്യാമ്പയിൻ വെള്ളരിക്കുണ്ട് പോലീസ് സ്റ്റേഷൻ ഇൻസ്പെക്ടർ ടി കെ മുകുന്ദൻ ഉദ്ഘാടനം ചെയ്തു.   ★  പന്തൽ കെട്ടുമ്പോൾ വഴക്കു പറഞ്ഞ വയോധികനെ ആക്രമിച്ചു

വേനൽ അവധിക്ക് മുൻപേ എത്തി പുത്തന്‍ പാഠപുസ്തകള്‍

അടുത്ത അധ്യയന വര്‍ഷത്തേക്കുള്ള പാഠപുസ്തകങ്ങള്‍ വേനലവധിക്ക് മുമ്പേ എത്തി. 5,64,605 പുസ്തകമാണ് കാസര്‍കോട് ഗവ.ഹൈസ്‌കൂള്‍ ജില്ലാ ഹബ്ബില്‍ എത്തിയത്. രണ്ട്, നാല്, ആറ്, എട്ട്, പത്ത് ക്ലാസുകളിലെ മലയാളം, ഇംഗ്ലീഷ്, കന്നഡ മീഡിയത്തിലെ പുസ്തകങ്ങളാണ് എത്തിയത്. ചില ക്ലാസുകളിലെ പുസ്തകങ്ങള്‍ക്ക് മാറ്റമുണ്ട്. മാറുന്ന പുസ്തകങ്ങള്‍ മേയില്‍ എത്തും.

5 വര്‍ഷമായി കുടുംബശ്രീക്കാണ് പാഠപുസ്തക വിതരണ ചുമതല. ആദ്യ ഭാഗം 137 സൊസൈറ്റികളിലായി 15,79,410 പുസ്തകങ്ങളാണ് വിതരണം ചെയ്യേണ്ടത്. ഇന്ന് വരെ 5,64,605 പുസ്തകങ്ങള്‍ ഡിപ്പോയിലെത്തി. അതില്‍ കുമ്പള എ.ഇ.ഒ സൊസൈറ്റികളില്‍ 8763, മഞ്ചേശ്വരം സൊസൈറ്റികളില്‍ 57,250, ഹോസ്ദുര്‍ഗ് സൊസൈറ്റികളില്‍ 35,320, കൂടി ആകെ 1,01,333 പുസ്തകങ്ങള്‍ വിതരണം ചെയ്തു. ഒരു സൊസൈറ്റികളുടെ പരിധിയില്‍ 5 സ്‌കൂളുകള്‍ ഉണ്ടാകും.

കാസര്‍കോട് ജില്ലയില്‍ പുതിയ അധ്യയന വര്‍ഷത്തേക്കുള്ള (2,02,425) പാഠപുസ്തകങ്ങളുടെ വിതരണം ആരംഭിച്ചു. പാഠപുസ്തക വിതരണം ജില്ലാതല ഉദ്ഘാടനം കാസര്‍കോട് ജി.എച്ച്.എസ്.എസ് സ്‌കൂളില്‍ ജില്ലാ പഞ്ചായത്ത് പ്രസിഡണ്ട് പി.ബേബി ബാലകൃഷ്ണന്‍ നിര്‍വ്വഹിച്ചു. വിദ്യാഭ്യാസ ഡെപ്യൂട്ടി ഡയറക്ടര്‍ എന്‍.നന്ദികേശന്‍ അദ്ധ്യക്ഷത വഹിച്ചു. കാസര്‍കോട് ജി.എച്ച് എസ്.എസ് സ്‌കൂളിലെ പ്രധാനാധ്യാപിക ഉഷ പുസ്തകങ്ങള്‍ ഏറ്റുവാങ്ങി. ഡയറ്റ് പ്രിന്‍സിപ്പാള്‍ ഡോ.രഘുറാം ഭട്ട്, കുടുംബശ്രീ ജില്ലാ മിഷന്‍ അംഗം ഇ.ഷിബി, ഡി.പി.സി.എസ്.എസ് കെ.ബിജുരാജ്, ഡി.ഡി.ഇ.എ.എ ബി.സുരേന്ദ്രന്‍, വിദ്യാകിരണം ഡി.സി സുനില്‍ കുമാര്‍, അഗസ്റ്റീന്‍ ബെര്‍നാഡ്, വല്‍സരാജ്, ബാബുരാജ്, ഡി.ഡി.ഇ ക്ലര്‍ക്ക് ബഷീര്‍, ഡിപ്പോ സൂപ്പര്‍വൈസര്‍ അര്‍ഷാന എന്നിവര്‍ സംസാരിച്ചു. ഡി.ഇ.ഒ വി.ദിനേശ് സ്വാഗതം പറഞ്ഞു.

Read Previous

സുധീർ മാടക്കത്തിന്റെ പിതാവ് അന്തരിച്ചു

Read Next

ജീവിതാനുഭവങ്ങൾ പങ്കിട്ട് പ്രശസ്ത ശാസ്ത്രജ്ഞൻ ഡോ: രാജേന്ദ്രൻ പിലാങ്കട്ട

Leave a Reply

Your email address will not be published. Required fields are marked *

error: Content is protected !!
n73