ബേക്കൽ എസ് ഐ ആയിരുന്ന എം.രാജേഷിനെ പുഴമണൽ കയറ്റിവന്ന പിക്കപ്പ് വാൻ കൊണ്ടിടിച്ച് കൊലപ്പെടുത്താൻ ശ്രമിച്ച കേസിൽ ഒന്നാം പ്രതിക്ക് 15 വർഷം കഠിന തടവും ,25000രൂപ പിഴയും.പിഴയ sച്ചില്ലെങ്കിൽ 15 മാസം അധികതടവും അനുഭവിക്കണം. പൂച്ചക്കാട് റഹ്മത്ത് റോഡിൽ ബിസ്മില്ല മൻസിൽ കുഞ്ഞാമദിൻ്റെ മകൻ പി. ജലീൽ (39) നെയാണ് കാസർകോട് അഡീഷണൽ ഡിസ്ട്രിക്റ്റ് & സെഷൻസ് ജഡ്ജ് (3) എ.വി ഉണ്ണികൃഷ്ണൻ ശിക്ഷിച്ചത്.കഴിഞ്ഞ വർഷം ഫെബ്രുവരി 7 ന് രാത്രി കല്ലിങ്കലിൽവെച്ച് അനധികൃതമണൽ കടത്ത് തടയാൻ ശ്രമിച്ച പ്പോഴാണ് ബേക്കൽ എസ്.ഐ ആയിരുന്ന എം. രാജേഷിനെ മണൽ കയറ്റിവന്ന വാഹനം കൊണ്ടിടിച്ച് കൊലപ്പെടുത്താൻ ശ്രമിച്ചത്. ഹോസ്ദുർഗ്ഗ് ഇൻസ് പെക്ടർമാരായിരുന്ന പി.കെ സുധാകരനും ടി.പി സുമേഷും അന്വേഷിച്ച കേസ് തുടർ അന്വേഷണം നടത്തി പ്രതിക്കെതിരെ കോടതിയിൽ കുറ്റപത്രം സമർപ്പിച്ചത് യു.പ്രേമനാണ് പ്രോസിക്യൂഷന് വേണ്ടി കെ.ബാലകൃഷ്ണൻ ,ജി.ചന്ദ്രമോഹൻ എന്നിവർ ഹാജരായി.
Web Desk 
