Web Desk 
കാഞ്ഞങ്ങാട്: ആർഡിഒ ഓഫിസ് റിട്ട. ജീവനക്കാരി സാവിത്രി വെള്ളിക്കോത്തിന്റെ മഴ നനയാത്ത ഞാറ്റുവേല എന്ന ആദ്യ കവിതാ സമാഹാരം പ്രകാശനം ചെയ്തു. വെള്ളിക്കോത്ത് വിദ്വാൻ പി നഗർ നെഹ്റു ബാലവേദി സർഗ വേദിയുടെ നേതൃത്വത്തിൽ നടന്ന പ്രകാശന ചടങ്ങ് കേന്ദ്ര സാഹിത്യ അക്കാദമി അഡ്വൈസറി കമ്മിറ്റി അംഗം ഡോ.എ.എം.ശ്രീധരൻ ഉദ്ഘാടനം ചെയ്തു. ചരിത്രകാരൻ ഡോ. സി.ബാലൻ വേദി രക്ഷാധികാരി പി.മുരളീധരൻ മാസ്റ്റർക്ക് നൽകി പ്രകാശനം നിർവഹിച്ചു. പുസ്തകം പരിചയപ്പെടുത്തുകയും ചെയ്തു. വേദി രക്ഷാധികാരി അഡ്വ. എം.സി.ജോസ് അധ്യക്ഷത വഹിച്ചു. അജാനൂർ പഞ്ചായത്ത് വികസനകാര്യ സ്റ്റാന്റിങ് കമ്മിറ്റി ചെയർമാൻ കെ. കൃഷ്ണൻ മാസ്റ്റർ, തുളുനാട് പത്രാധിപർ കുമാരൻ നാലപ്പാടം, വെള്ളിക്കുന്നത്ത് ഭഗവതികാവ് പ്രസിഡന്റ് പി.ബാലകൃഷ്ണൻ, യങ്ങ്മെൻസ് ക്ലബ് പ്രസിഡന്റ് പി.പി.കുഞ്ഞിക്കൃഷ്ണൻ നായർ, കേരള പൂരക്കളി അക്കാദമി അംഗം വി.പി. പ്രശാന്ത് എന്നിവർ പ്രസംഗിച്ചു. സാവിത്രി വെള്ളിക്കോത്തിന്റെ മറുമൊഴിയുമുണ്ടായി. സർഗവേദി പ്രസിഡന്റ് എസ്.ഗോവിന്ദരാജ് സ്വാഗതവും സെക്രട്ടറി വി.വി.രമേശൻ നന്ദിയും പറഞ്ഞു.
