നീലേശ്വരം മർച്ചന്റ്സ് വാർഷിക സമാപനവും കുടുംബ സംഗമവും ഞായറാഴ്ച്ച

നീലേശ്വരം: വ്യാപാരി വ്യവസായി ഏകോപന സമിതി നീലേശ്വരം യൂണിറ്റ് അമ്പതാം വാർഷിക സമാപനവും കുടുംബ സംഗമവും നാളെ (ഞായർ ) പടന്നക്കാട് ബേക്കൽ ക്ലബ്ബിൽ നടക്കും. 4 മണിക്ക് കുടുംബാഗംങ്ങളും വനിതാ വിംഗ് യൂത്ത് വിംഗ് പ്രവർത്തകർ അവതരിപ്പിക്കുന്ന വിവിധ കലാപരിപാടികൾ . വൈകീട്ട് 6 ന് സംഘാടക സമിതി ചെയർമാൻ സി.പി.ശ്രീധരന്റെ അധ്യക്ഷതയിൽ രാജ്മോഹൻ ഉണ്ണിത്താൻ എം.പി. സമാപനം ഉദ്ഘാടനം ചെയ്യും. യൂണിറ്റ് പ്രസിഡന്റ് കെ.വി.സുരേഷ് കുമാർ പ്രവർത്തന റിപ്പോർട്ട് അവതരിപ്പിക്കും. സംസ്ഥാന വൈസ് പ്രസിഡന്റ് കെ. അഹമ്മദ് ഷെറീഫ് മുഖ്യാതിഥിയും സംസ്ഥാന സെക്രട്ടറി ബാബു കോട്ടയിൽ വിശിഷ്ടാതിഥിയുമാകും.