ഓൺലൈൻ തട്ടിപ്പിൽ ഒന്നേമുക്കാൽ കോടി രൂപ തട്ടിയെടുത്ത കോൺഗ്രസ് നേതാവ് അറസ്റ്റിൽ

പരിയാരം: ലാഭവിഹിതം വാഗ്ദാനം നൽകി ഓൺലൈൻ തട്ടിപ്പിലൂടെ കേന്ദ്ര സർക്കാർ ജീവനക്കാരൻ്റെ ഒരു കോടി എഴുപത്തിയാറായിരം രൂപ തട്ടിയെടുത്ത കോൺഗ്രസ് നേതാവും പഞ്ചായത്ത് മെമ്പറും ബേങ്ക് ജീവനക്കാരനുമായ യുവാവിനെ ക്രൈംബ്രാഞ്ച് സംഘം പിടികൂടി.മലപ്പുറം നിലമ്പൂർ എടക്കര മുത്തേടം മരുതങ്ങാട് മദാനി ഹൗസിൽ നൗഫൽ മദാനി (31) യെയാണ് ജില്ലാ പോലീസ് മേധാവിയുടെ കീഴിലുള്ള ക്രൈംബ്രാഞ്ച് ഡിവൈഎസ്.പി കീർത്തി ബാബുവിൻ്റെ നേതൃത്വത്തിൽ എസ്.ഐ.മനോജ് കാനായി, എ.എസ്.ഐ.സതീഷ്, ഡ്രൈവർ ദിലീപ് എന്നിവരടങ്ങിയ സംഘം അറസ്റ്റു ചെയ്തത്.

ചെറുതാഴംഏഴിലോട് സ്വദേശി എഡ്വേർഡ് വിൻസെൻ്റിൽ നിന്നു മാണ് പണം തട്ടിയെടുത്തത്. ഓൺലൈൻ ട്രേഡിംഗിൽ ലാഭവിഹിതം വാഗ്ദാനം നൽകി ഡബ്ല്യു ബി 12- എ1 എന്ന വാട്സ് ആപ്പ് ഗ്രൂപ്പിൻ്റെ അഡ്മിനായ പ്രതി 2024 മെയ് 29 മുതൽ ജൂലായ് ഒന്നുവരെയുള്ള കാലയളവിൽ പലതവണകളായിവിവിധ അക്കൗണ്ടുകൾ വഴി ഒരു കോടി 76,000 രൂപ തട്ടിയെടുക്കുകയും ചെയ്തുവെന്ന പരാതിയിലാണ് കേസ്. അന്വേഷണം ഏറ്റെടുത്ത ക്രൈംബ്രാഞ്ച് സംഘം നിലമ്പൂർ എടക്കരയിലെത്തിയപ്പോൾ എടക്കര വാർഡ് മെമ്പർ കൂടിയായ പ്രതി ജോലിക്കിടെ എടക്കരഅർബൻ ബേങ്കിൽ നിന്നും പിൻ വാതിലിലൂടെ ബൈക്കിൽ രക്ഷപ്പെടാൻ ശ്രമിച്ചുവെങ്കിലും കുറ്റിക്കാട് വെച്ച് പോലീസ് പിന്തുടർന്നു പിടികൂടി.