The Times of North

Breaking News!

കേന്ദ്രീയ വിദ്യാലയത്തിൽ ഏതാനും സീറ്റുകളുടെ ഒഴിവ്   ★  അഖില കേരള വടംവലി മത്സരം ലോഗോ പ്രകാശനം ചെയ്തു   ★  സ്കൂൾ വാർഷികാഘോഷവും യാത്രയയപ്പും സംഘടിപ്പിച്ചു   ★  നീലേശ്വരം ചീർമ്മക്കാവ് കുറുബാ ഭഗവതി ക്ഷേത്രത്തിൽ പൂരോത്സവം   ★  സംസ്ഥാനത്ത് ഇന്നും പരക്കെ മഴയ്ക്ക് സാധ്യത; 8 ജില്ലകളിൽ യെല്ലോ അലർട്ട്   ★  ആശുപത്രി ജീവനക്കാരന്റെ മരണം, ഇടിച്ചിട്ട വാഹനവും ഡ്രൈവറും കസ്റ്റഡിയിൽ   ★  കരിവെള്ളൂർ രക്തസാക്ഷി നഗറിനു സമീപത്തെ പി.ജീജ അന്തരിച്ചു.   ★  നെടുങ്കണ്ടയിലെ മാട്ടുമ്മൽ രാജൻ അന്തരിച്ചു   ★  സാമ്പത്തിക ഞെരുക്കത്തിന് കാരണം സർക്കാരിന്റെ കെടുകാര്യസ്ഥത: പിസി സുരേന്ദ്രൻ നായർ   ★  കണ്ണാടിപ്പറമ്പ് കൊറ്റാളി കാവ് പൂരോത്സവം നാടു വലംവെപ്പ് ആരംഭിച്ചു

രതീഷ് രംഗൻ വീണ്ടും അംഗീകാര നിറവിൽ


കരിവെള്ളൂർ : നാടക രചനയിൽ സംസ്ഥാന തലത്തിൽ വീണ്ടും അംഗീകാരം നേടി നാടക പ്രവർത്തകൻ കരിവെള്ളൂരിലെ രതീഷ് രംഗൻ. ഡി പാണി മാസ്റ്ററുടെ സ്മരണയിൽ ബാലസംഘം സംസ്ഥാന തലത്തിൽ സംഘടിപ്പിച്ച മത്സരത്തിലാണ് രതീഷിൻ്റെ ഘടന മൂന്നാം സ്ഥാനം നേടിയത്.
വിമീഷ് മണിയൂരിൻ്റെ ( കോഴിക്കോട് ) കുപ്പിയും പാപ്പിയും ജിജേഷ് കൊറ്റാളി യുടെ ( കണ്ണൂർ) എന്നീ നാടകങ്ങൾക്കാണ് ഒന്നും രണ്ടും സ്ഥാനം. പ്രശസ്ത നാടക പ്രവർത്തകരായ പ്രഫ. പി.ഗംഗാധരൻ, എ.പി. കേളു , ഡോ. എം.കെ. ഗീത എന്നിവരടങ്ങിയ ജൂറിയാണ് വിധി നിർണയിച്ചത്. ഏപ്രിൽ 8 ന് പരുത്തൂരിൽ നടക്കുന്ന ഡി. പാണി മാസ്റ്റർ അനുസ്മരണ യോഗത്തിൽ വിജയികൾക്ക് പ്രശസ്തി പത്രവും ക്യാഷ് അവാർഡും സമ്മാനിക്കും.

കഴിഞ്ഞ പതിനാല് വർഷങ്ങളായി സ്കൂൾ ശാസ്ത്ര നാടക മേഖലയിൽ സജീവമായ രതീഷിൻ്റെ നാടകങ്ങൾക്ക് സംസ്ഥാന ദേശീയ തലത്തിൽ നിരവധി പുരസ്കാരങ്ങൾ ലഭിച്ചിട്ടുണ്ട്. കുട്ടികളുടെ ശാസ്ത്ര നാടരംഗത്ത് നേടിയ മികവിൽ 2018 ൽ ഡോ. അംബേദ്കർ നാഷണൽ ഫെല്ലോഷിപ്പ് ലഭിച്ചു. പ്രേം നസീർ അവാർഡ് , സംസ്ഥാന ലൈബ്രറി കൗൺസിൽ സ്പെഷൽ ജൂറി പുരസ്കാരം എന്നിവയും ലഭിച്ചിട്ടുണ്ട്. കരിവെള്ളൂർ സർവീസ് സഹകരണ ബാങ്ക് ജീവനക്കാരനാണ്. കൊഴുമ്മൽ ഗവ. എൽ.പി. സ്കൂൾ അധ്യാപിക ഷെമീറയാണ് ഭാര്യ. വിദ്യാർഥിയായ ഏഥൻ ഏക മകനാണ്.

Read Previous

പെരുന്നാൾ വരുന്നു, ഒപ്പം ഉമ്മയും

Read Next

നീലേശ്വരം സമ്പൂർണ്ണമാലിന്യമുക്ത നഗരസഭ, മൂന്നാം വാർഡ് മികച്ച വാർഡ്, കൗൺസിലർ ടിവി ഷീബ ഉപഹാരം ഏറ്റുവാങ്ങി

Leave a Reply

Your email address will not be published. Required fields are marked *

error: Content is protected !!
n73