ഹൊസ്ദുർഗിൽ വീണ്ടും നിരോധിത പുകയില ഉൽപ്പന്നങ്ങളുമായി ഒരാൾ അറസ്റ്റിൽ

കാഞ്ഞങ്ങാട്: ദുർഗ് പോലീസ് വീണ്ടും നിരോധിത പുകയില ഉത്പന്നങ്ങൾ പിടികൂടി ഒരാളെ അറസ്റ്റ് ചെയ്തു . കാസർകോട് മുളിയാർ കെട്ടുംകല്ല് സ്വദേശിയായ മൊയ്തീൻ കുഞ്ഞിനെ (42) യാണ് 2900 പാക്കറ്റ് പുകയില ഉൽപ്പന്നങ്ങളുമായി മണിക്കോത്ത് വച്ച് ഇൻസ്പെക്ടർ പി അജിത്ത്കുമാറിന്റെ നേതൃത്വത്തിലുള്ള പോലീസ് സംഘം അറസ്റ് ചെയ്തത്.

പുകയില ഉൽപ്പന്നങ്ങൾ പിടികൂടിയ സംഘത്തിൽ സബ് ഇൻസ്പെക്ടർമാരായ ടി.അഖിൽ, കെ വി ജിതിൻ ,പോലീസ് ഉദ്യോഗസ്ഥരായ സുധാകരൻ ,ശ്രീജേഷ് , സനൂപ് , എന്നിവരും ഉണ്ടായിരുന്നു. ഈ ആഴ്ചയിൽ നിരവധി പുകയില ഉല്പന്നങ്ങളാണ് വിവിധ സ്ഥലങ്ങളിൽ നിന്ന് ഹോസ്ദുർഗ്ഗ് പോലീസ് പിടികൂടിയത്.