മൂലപ്പള്ളി കൊല്ലൻകൊട്ടിലിൽ ശ്രീ വിഷ്ണുമൂർത്തി ദേവസ്ഥാനത്തെ പുനപ്രതിഷ്ഠയും കളിയാട്ട മഹോത്സവവും

നീലേശ്വരം: മൂലപ്പള്ളി കൊല്ലൻകൊട്ടിലിൽ ശ്രീ വിഷ്ണുമൂർത്തി ദേവസ്ഥാനത്തെ പുനപ്രതിഷ്ഠയും കളിയാട്ട മഹോത്സവവും മാർച്ച് 15 മുതൽ 18 വരെ വിവിധ പരിപാടികളോടുകൂടി നടക്കും. മാർച്ച് 15ന് രാവിലെ 10 മണിക്ക് പുതുക്കേ സദാശിവക്ഷേത്രത്തിൽ നിന്നും കലവറ നിറയ്ക്കൽ ഘോഷയാത്ര ആരംഭിക്കും തുടർന്നു ഉച്ചയ്ക്ക് അന്നദാനം. ആറുമണിക്ക് സാംസ്കാരിക സമ്മേളനവും പ്രാദേശിക കലാകാരന്മാർ അവതരിപ്പിക്കുന്ന വിവിധ കലാപരിപാടികളും അരങ്ങേറും. 16ന് പ്രതിഷ്ഠ തുടർന്നു അന്നദാനം ആധ്യാത്മീക പ്രഭാഷണവും വിവിധ കലാപരിപാടികളും. 16ന് വൈകിട്ട് മുതൽ വിവിധ തെയ്യ കോലങ്ങൾ അരങ്ങിലെത്തും. സമാപന ദിവസമായ18ന് രാവിലെ മുതൽ വിവിധ തെയ്യകോലങ്ങൾ വൈകിട്ട് പാടാർകുളങ്ങര ഭഗവതിയും വിഷ്ണുമൂർത്തിയും അരങ്ങിലെത്തും. ഉത്സവത്തിന് മുന്നോടിയായുള്ള ആചാരം കൊടുക്കൽ ചടങ്ങ് ഇന്ന് നടന്നു. ആഘോഷ കമ്മിറ്റി ചെയർമാൻ പി യു രാധാകൃഷ്ണൻ,ക്ഷേത്രം കോയിമ ശ്രീധരൻ നായർ, തറവാട്ട് കാരണവർ ചന്ദ്രശേഖരൻ തുടങ്ങിയവർ സംബന്ധിച്ചു.