നീലേശ്വരം : നീലേശ്വരത്തുനിന്ന് ഹരിത കർമ്മ സേന പ്ലാസ്റ്റിക് ശേഖരിക്കുന്നതിനിടെ മുത്തൂറ്റ് ഫിനാൻസിൽ നിന്നും കളഞ്ഞുപോയ ഒന്നര പവൻ സ്വർണ മാല പ്ലാന്റിൽ നിന്നും കണ്ടെത്തി തിരികെ നൽകി മാതൃകയായിരിക്കുകയാണ് നീലേശ്വരത്തെ ഹരിത കർമ്മ സേന .നഗരസഭയിൽ ചെയർപേഴ്സൺ ടിവി ശാന്ത വൈസ് ചെയർമാൻ പി പി മുഹമ്മദ് റാഫി,പൊതുമരാമത്ത് സ്റ്റാൻഡിങ് കമ്മിറ്റി ചെയർമാൻ കെ പി രവീന്ദ്രൻ,ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ ടി പി ലത,വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ പി ഭാർഗവി , സബ്ബ് ഇൻസ്പെക്ടർ പ്രദീപ് കെ.വി എന്നിവരുടെ സാന്നിധ്യത്തിൽ സ്വർണ്ണമാല ബന്ധപ്പെട്ടവർക്ക് തിരികെ നൽകി.സത്യസന്ധവും മാതൃകാപരവുമായ പ്രവർത്തനത്തെ മുഴുവനാളുകളും അഭിനന്ദിച്ചു.
Web Desk 
