Web Desk 
ചീമേനി : നല്ല സ്വപ്നങ്ങൾ കാണാൻ കുട്ടികളെ അനുവദിക്കണമെന്നും മുതിർന്നവരെക്കാൾ നല്ല നിറവും രുചിയുമുള്ള സ്വപ്നങ്ങൾ കാണാൻ കുഞ്ഞുങ്ങൾക്കു മാത്രമേ കഴിയൂവെന്നും
ദേശീയ അധ്യാപക അവാർഡ് ജേതാവ് കൊടക്കാട് നാരായണൻ പറഞ്ഞു.
പട്ടോളി ഇ.കെ. നായനാർ ഗ്രന്ഥാലയത്തിൽ തെത്സുകോ കുറോയാനഗി രചിച്ച ടോട്ടോ ചാൻ പുസ്തകം അവതരിപ്പിക്കുകയായിരുന്നു അദ്ദേഹം. ഗ്രന്ഥാലയം പ്രസിഡണ്ട് സ്നേഹമനോജ് അദ്ധ്യക്ഷയായി.പുസ്തക അവതരണം ആസ്വദിച്ച കുട്ടികളെല്ലാം പുസ്തക ചർച്ചയിൽ പങ്കെടുത്തതും നവ്യാനുഭവമായി. ശിവനന്ദ, ശ്രീലക്ഷ്മി, കൃതിയ രഞ്ജിത്ത്, സൃതിക, അച്ചു റാം , കാർത്തിക്, ആഭിദേവ് അനന്തു, നബീൽ, കാർത്തിക റാം എന്നിവർ ചർച്ചയിൽ പങ്കെടുത്തു. യു പി, ഹൈസ്കൂൾ, പൊതുവിഭാഗങ്ങൾക്കായി റിപ്പബ്ലിക് ദിന ക്വിസ് മത്സരവും സംഘടിപ്പിച്ചു. സെക്രട്ടറി മനോജ് പട്ടോളി സ്വാഗതം പറഞ്ഞു.
