തൃക്കരിപ്പൂർ മണ്ഡലത്തിലെ നീലേശ്വരം കല്ലളൻ വൈദ്യർ സാംസ്കാരിക സമുച്ചയം പദ്ധതിപ്രദേശം പ്രദേശം എം.രാജഗോപാലന്‍ എം.എല്‍.എ.യും സാംസ്കാരികവകുപ്പ് ഡെപ്യൂട്ടി ഡയറക്ടർ മഞ്ജുവും സന്ദർശിച്ചു. നീലേശ്വരം നഗരസഭാ ചെയർപേഴ്സണ്‍ ശ്രീമതി ടി.വി.ശാന്ത, വൈസ്ചെയർമാന്‍ പി.പി.മുഹമ്മദ്റാഫി, കൌണ്‍സിലർ ടി.പി.ലത, മനോഹരന്‍ തുടങ്ങിയവർ സന്ദർശിച്ചു.
ഒന്നാം കേരളാ നിയമസഭയിൽ നീലേശ്വരം ദ്വയാംഗമണ്ഡലത്തിൽ നിന്ന് സംവരണസീറ്റിൽ ഇ.എം.എസിനൊപ്പം മത്സരിച്ച് ആണ് അദ്ദേഹം വിജയിച്ചത്. വടക്കേമലബാറിലെ അറിയപ്പെടുന്ന ഒരു വിഷവൈദ്യനും, കർഷകസംഘ പ്രസ്ഥാനത്തിന്റെ സജീവ പ്രവർത്തകനുമായിരുന്നു കല്ലളൻ വൈദ്യർക്ക് ഉചിതമായ സ്മാരകം എന്നനിലയിലാണ് പദ്ധതിവിഭാവനം ചെയ്തിട്ടുള്ളത്.
പേരോല്‍വില്ലേജില്‍ ഇ.എം.എസ്.സ്റ്റേഡിയത്തിന് സമീപത്തായാണ് പദ്ധതിനടപ്പിലാക്കാനുള്ള സ്ഥലം കണ്ടെത്തിയിട്ടുള്ളത്. റവന്യു വകുപ്പില്‍ നിന്ന് പ്രസ്തുത സ്ഥലം സാംകാരിക വകുപ്പിന് കൈമാറാനുള്ള നടപടികള്‍ പുരോഗമിക്കുകയാണെന്ന് എം.എല്‍.എ. അറിയിച്ചു.
Web Desk 
