Web Desk 
തിരുവനന്തപുരം: മലയാളം സാഹിത്യ അക്കാദമി ആൻ്റ് റിസർച്ച് സെൻ്റർ അപ്രകാശിതനോവലുകൾക്കായി സംഘടിപ്പിച്ച ക്യാമിയോ മത്സരത്തിൽ പ്രകാശൻ കരിവെള്ളൂരിന് സ്പെഷ്യൽ ജൂറി പുരസ്കാരം .
2024 വയനാട് ദുരന്തത്തിൻ്റെ പശ്ചാത്തലത്തിൽ എഴുതിയ “കുത്തിയൊലിച്ചു പോവുന്നൂ നമ്മൾ ” എന്ന നോവലാണ് ജൂറിയുടെ പ്രത്യേക പുരസ്കാരം നേടിയത് . ഒന്നും രണ്ടും മൂന്നും സ്ഥാനം കൂടാതെ പതിനാറ് നോവലുകളാണ് ബഹുമതിക്ക് അർഹമായത് . 2024 ഡിസംബർ 15 ന് തിരുവനന്തപുരത്തു വച്ച് അവാർഡ് സമർപ്പണം നടക്കും .
പ്രകാശൻ കരിവെള്ളൂരിൻ്റെ ഗോൽക്കൊണ്ട എന്ന നോവൽ 2023 ലെ ഹമീദ് കോട്ടിക്കുളം സ്മാരക തുളുനാട് അവാർഡും ഗുണ്ടകളുടെ ലൈബ്രറി 2024 ലെ ഗോൾഡൻ പീക്കോക്ക് അവാർഡും നേടിയിട്ടുണ്ട് .
മൂന്ന് പതിറ്റാണ്ടിലേറെയായി സാഹിത്യത്തിൻ്റെ വിവിധ മണ്ഡലങ്ങളിൽ പ്രവർത്തിക്കുന്ന എഴുത്തുകാരനാണ് പ്രകാശൻ . ഇരുപതോളം പുസ്തക ങ്ങൾ പ്രസിദ്ധീകരിച്ചിട്ടുണ്ട് . ബാലസാഹിത്യത്തിന് അബുദാബി ശക്തി അവാർഡ് , നാടക രചനയ്ക്ക് സ്റ്റേറ്റ് ലൈബ്രറി കൗൺസിൽ അവാർഡ് , ശാസ്ത്ര നാടക രചനയ്ക്ക് ദേശീയ അവാർഡ് , ഹ്രസ്വചലച്ചിത്ര തിരക്കഥയ്ക്ക് പ്രേം നസീർ ഫൗണ്ടേഷൻ അവാർഡ് എന്നിങ്ങനെ നിരവധി ബഹുമതികൾ ക്ക് അർഹനായ ബഹുമുഖപ്രതിഭ .കാസർ കോട് ജി.എൽ.പി.എസ് പരപ്പയിൽ ഹെഡ് മാസ്റ്ററാണ്.
