Web Desk 
നീലേശ്വരം: അഞ്ഞൂറ്റമ്പലം വീരർക്കാവ് ക്ഷേത്രത്തിലെ കളിയാട്ട മഹോത്സവത്തോടനുബന്ധിച്ച വെടിക്കെട്ട് അപകടത്തിൽ പരിക്കേറ്റ് ചികിത്സയിൽ കഴിയുന്ന12 പേർ ആശുപത്രി വിട്ടു. ഇപ്പോൾ 49 പേരാണ് ചികിത്സയിലുള്ളത്.ഇതിൽ എട്ടു പേർ ഐ.സി.യുവിലാണ്. 41 പേരെ വാർഡിലേക്ക് മാറ്റിയതായി ആശുപത്രി അധികൃതർ അറിയിച്ചു. മംഗളൂരു എ ജെ ആശുപത്രിയിൽ ചികിത്സയിലുള്ള24പേരിൽ ഏഴ് പേരും കണ്ണൂർ മിംസ് ആശുപത്രിയിൽ 11 പേരിൽ ഒരാളുമാണ് ഐസിയുവിൽ കഴിയുന്നത്. കാഞ്ഞങ്ങാട് ഐഷാൽ ആശുപത്രിയിൽ 4 പേരും കോഴിക്കോട് മിംസിലും കണ്ണൂർ ബേബി മെമ്മോറിയൽ ആശുപത്രിയിലും മൂന്നുപേർ വീതവും മംഗളൂരു കെ.എസ് ഹെഗ്ഡെ ആശുപത്രിയിലും ഫാദർ മുള്ളേഴ്സ് ആശുപത്രിയിലും ഓരോ രോഗികളുമാണ് ചികിത്സയിൽ കഴിയുന്നത്.
