വയലാർ അനുസമരണം വിനോദ് ആലന്തട്ട ഉദ്ഘാടനം ചെയ്തു.

ഉദിനൂർ: കിനാത്തിൽ സാംസ്കാരിക സമിതി വായനശാല ആൻഡ് ഗ്രന്ഥാലയം, ഉദിനൂർ ജ്വാല തിയറ്റേഴ്സ് എന്നിവ കിനാത്തിൽ സ്വാതന്ത്ര്യ സമര ജൂബിലി സ്മാരക ഓപ്പൺ ഓഡിറ്റോറിയത്തിൽ വയലാർ അനുസമരണം സംഘടിപ്പിച്ചു. നാടക മാധ്യമ പ്രവർത്തകനും പ്രഭാഷകനുമായ വിനോദ് ആലന്തട്ട ഉദ്ഘാടനം ചെയ്തു. കെ ശശിധരൻ അധ്യക്ഷനായി. കെ വി രമേശൻ സ്വാഗതവും കൃഷ്ണകുമാർ പള്ളിയത്ത് നന്ദിയും പറഞ്ഞു. തുടർന്ന് കലാ പരിപാടിയും അരങ്ങേറി.