പടന്നക്കാട് കാർഷിക കോളേജിൽ മലയാള ദിനാഘോഷം നടന്നു

മലയാളം ഭാഷാ വാരാഘോഷത്തിന്റെ ഭാഗമായി കാർഷിക സർവകലാശാലയുടെ കീഴിലുള്ള പടന്നക്കാട് കാർഷിക കോളേജിൽ മലയാള ദിനാഘോഷം നടന്നു. കോളേജ് ഡീൻ ഡോ.ടി സജിതാ റാണിയുടെ അധ്യക്ഷതയിൽ കാഞ്ഞങ്ങാട് നെഹ്റു കോളേജ്, മലയാള വിഭാഗം മേധാവി ഡോ.ധന്യ കീപ്പേരി ഉദ്ഘാടനം ചെയ്തു. ഡോ.കെ. എം ശ്രീകുമാർ, ഡോ. പി നിധീഷ്, പി. കെ. ദീപേഷ് എന്നിവർ സംസാരിച്ചു.പ്രോഗ്രാം കോർഡിനേറ്ററും അസിസ്റ്റൻറ് ലൈബ്രറിയനുമായ ഡോ. വി. പി. അജിതകുമാരി സ്വാഗതവും കോളേജ് യൂണിയൻ പ്രസിഡൻറ് അഹല്യ സജീവ് നന്ദിയും പറഞ്ഞു. രേഖപ്പെടുത്തി. വിദ്യാർത്ഥികളും അധ്യാപകരും അനധ്യാപകരും ഉൾപ്പെടെ നൂറ്റി അൻപതോളം പേർ പങ്കെടുത്തു.ഒരാഴ്ച നീണ്ടു നിൽക്കുന്ന വിവിധ മത്സരങ്ങളും കലാപരിപാടികളും മലയാളഭാഷ വാരാഘോഷത്തിന്റെ ഭാഗമായി സംഘടിപ്പിക്കുന്നുണ്ട്.