Web Desk 
നീലേശ്വരം തെരുവത്ത് അഞ്ഞൂറ്റമ്പലം വീരർ കാവ് ക്ഷേത്രത്തിലെ വെടിക്കെട്ട് അപകടത്തിൽ ഒരാളെ കൂടി കാഞ്ഞങ്ങാട് ഡിവൈ.എസ്.പി ബാബു പെരിങ്ങേത്ത് അറസ്റ്റ് ചെയ്തു. തൈക്കടപ്പുറം കൊട്രച്ചാൽ മുത്തപ്പൻ തറയ്ക്ക് സമീപത്തെ കെ.വി.വിജയനെ (65) ആണ് ഇന്ന് ഉച്ചയ്ക്ക് അറസ്റ്റ് ചെയ്തത്. നേരത്തെ അറസ്റ്റിലായ രാജേഷിനൊപ്പം വെടിക്ക് തീ കൊളുത്തുവാൻ വിജയൻ കൂടി ഉണ്ടായിരുന്നതായി പൊലിസ് പറഞ്ഞു. കേസിൽ ചൊവ്വാഴ്ച്ച അറസ്റ്റ ചെയ്ത ക്ഷേത്രം പ്രസിഡന്റ് നീലേശ്വരത്തെ ചന്ദ്രശേഖരൻ, സെക്രട്ടറി മന്ദംപുറത്തെ കെ.ടി ഭരതൻ, വെടിമരുന്നിന് തീ കൊളുത്തിയ കൊട്രച്ചാലിലെ പള്ളിക്കര രതീഷ്, എന്നിവരും റിമാന്റിലാണ്. ഇവർക്ക് പുറമെ ക്ഷേത്രം ഭാരവാഹികളായ എവി ഭാസ്ക്കരൻ ,തമ്പാൻ, ചന്ദ്രൻ ,ബാബു ,ശശി എന്നിവർക്കൂടി കേസിൽ പ്രതികളാണ്. ചൊവ്വാഴ്ച്ച പുലർച്ചെ പന്ത്രണ്ട് മണിയോടെയാണ് വെടിക്കെട്ട് അപകടം ഉണ്ടായത്.
