നാടൻ ചാരായവുമായി മധ്യവയസ്കൻ അറസ്റ്റിൽ

നീലേശ്വരം: നാടൻ ചാരായവുമായി മധ്യവയസ്ക്കനെ നീലേശ്വരം റെയിഞ്ചിലെ എക്സൈസ് പ്രിവന്റീവ് ഓഫീസർ സതീശൻ നാലുപുരയ്ക്കലും പാർട്ടിയും ചേർന്ന് അറസ്റ്റ് ചെയ്തു. മടിക്കൈ കാഞ്ഞിരപൊയിൽ അയ്യങ്കാവ് വീട്ടിൽ വാട്ടടുക്കം ശിവരാമന്റെ മകൻ വി സുരേന്ദ്രനെ (47) യാണ് 5 ലിറ്റർ ചാരായവുമായി അറസ്റ്റ് ചെയ്ത്. ഹോസ്ദുർഗ്ഗ് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

അറസ്റ്റ് ചെയ്ത സംഘത്തിൽ പ്രിവന്റ്റീവ് ഓഫീസർ ഗ്രേഡ് ഗോവിന്ദൻ. പി സിവിൽ എക്സൈസ് ഓഫീസർമാരായ നസ്രുദീൻ എ കെ ശൈലേഷ് കുമാർ, സജ്‌ന എന്നിവരും ഉണ്ടായിരുന്നു.