ജില്ലാ സ്കൂൾ കായികമേളയ്ക്ക് ഇന്ന് ഇ എം എസ് സ്റ്റേഡിയത്തിൽ തിരി തെളിയും

നീലേശ്വരം:കാസർകോട് റവന്യു ജില്ല സ്ക്കൂൾ കായിക മേളക്ക് ഇന്ന് (തിങ്കൾ ) നീലേശ്വരം പുത്തരിയടുക്കം ഇ എം എസ് സ്റ്റേഡിയത്തിൽ തിരിതെളിയും. 23 വരെ നടക്കുന്ന മേളയിൽ ഏഴ് സബ് ജില്ലകളിൽ നിന്നായി 2500 ഓളം കായിക പ്രതിഭകൾ മത്സരിക്കും.

മേളയ്ക്ക് ആതിഥ്യമരുളുന്ന ചായ്യോത്ത് ഹയർ സെക്കൻ്ററി സ്കൂളിൽ നിന്നും രാവിലെ 10 മണിക്ക് ദിപശിഖാ റാലി ആരംഭിക്കും. ഏഷ്യൻ യൂത്ത് അത് ലറ്റിക്സ് സിൽവർ മെഡലിസ്റ്റ് കെ.സി.സർവൻ ദീപശിഖയ്ക്ക് തിരികൊളുത്തും. തുടർന്ന് നീലേശ്വരം ടൗൺ ചുറ്റി ഇ എം എസ് സ്റ്റേഡിയത്തിൽ എത്തും. വൈകീട്ട് 3 ന് ജില്ല പോലീസ് സൂപ്രണ്ട് ഡി. ശില്പ മത്സരത്തിൻ്റെ ഉദ്ഘാടനം നിർവ്വഹിക്കും.