കടലാടിപ്പാറയിലെ സ്ഫോടനം: പിറന്നാൾ ആഘോഷത്തിന്റെ വെടിക്കെട്ട്

ഇന്നലെ മേഘ വിസ്ഫോടനം ഉണ്ടായ കിനാനൂർ – കരിന്തളം പഞ്ചായത്തിലെ ബിരിക്കുളം കടലാടി പാറയിൽ ഉണ്ടായ സ്ഫോടനം പിറന്നാൾ ആഘോഷത്തോടനുബന്ധിച്ച് നടത്തിയ വെടിക്കെട്ട് ആണെന്ന് സ്ഥിരീകരിച്ചു. കടലാടിപ്പാറയിൽ ഒരു കുട്ടിയുടെ പിറന്നാൾ ആഘോഷത്തോടനുബന്ധിച്ച് മുപ്പതിനായിരത്തോളം രൂപയുടെ വെടി പൊട്ടിച്ചിരുന്നുവത്രേ ഇതാണ് മേഘ വിസ്ഫോടനത്തിന് പിന്നാലെ ഉണ്ടായ സ്ഫോടനം ആണെന്ന് നാട്ടുകാർ തെറ്റിദ്ധരിച്ചത് . ഇന്നലെ രാത്രി 7:45 നു ശേഷം പത്തോളം തവണ തീഗോളത്തോടെ സ്ഫോടനം ഉണ്ടായെന്നാണ് നാട്ടുകാർ പറഞ്ഞത്. ഇതോടെ ജനങ്ങൾ ഭീതിയിലാകുകയും ചെയ്തു. ഇതേക്കുറിച്ച് ശാസ്ത്രീയ അന്വേഷണം വേണമെന്ന് നാട്ടുകാർ ആവശ്യപ്പെടുകയും ചെയ്തിരുന്നു. എന്നാൽ ഇന്ന് ഉച്ചയോടെ ആയിരുന്നു ഈ സ്ഫോടനം പിറന്നാൾ ആഘോഷത്തോടനുബന്ധിച്ചുള്ള വെടിക്കെട്ടാണെന്ന് തിരിച്ചറിഞ്ഞത് .