യുകെ യിൽ വിസ വാഗ്ദാനം ചെയ്ത് ദമ്പതികളിൽ നിന്നും 16 ലക്ഷം രൂപ തട്ടിയെടുത്തു

ചെറുപുഴ: ചെറുപുഴയിൽ ദമ്പതികളിൽ നിന്നും യുകെയിൽ ജോലിയുള്ള വിസ വാഗ്ദാനം ചെയ്ത് 16 ലക്ഷം രൂപ തട്ടിയെടുത്തതായി കേസ് . പുളിങ്ങോം ഉമയം ചാൽ കുളിക്കേണ്ടത്തിൽ ഹൗസിൽ ആജാ ജെയിംസും (34) ഭർത്താവ് ഡോൾഫി അഗസ്റ്റിനും (40) ആണ് തട്ടിപ്പിന് ഇരയായത് . സംഭവത്തിൽ കണ്ണൂർ ചൊവ്വേരി വെള്ളാരകുണ്ടിയിൽ സൂരജ് എന്ന സി കെ ജോസഫിനെതിരെ ചെറുപുഴ പോലീസ് കേസെടുത്തു.യുകെ ഇൻ റീഗൽ അക്കാദമി എന്ന ഫേസ്ബുക്ക് മുഖേനയാണ് സൂരജ് യുകെയിലേക്കുള്ള വിസ വാഗ്ദാനം ചെയ്ത് 2023 സെപ്റ്റംബർ 15 മുതൽ മൂന്ന് തവണ കളിലായി ആജയിൽ നിന്നും ഭർത്താവിൽ നിന്നും 16 ലക്ഷം രൂപ തട്ടിയെടുത്തത്. പിന്നീട് വിസയോ നൽകിയ പണമോ തിരിച്ചു നൽകാത്തതിനെ തുടർന്നാണ് പോലീസിൽ പരാതി നൽകിയത്.