നിര്‍ത്തിയിട്ട കാറിൽ എം.ഡി.എം.എ; യുവാവ് അറസ്റ്റില്‍

കാസര്‍കോട്:കാസര്‍കോട് പുതിയ ബസ് സ്റ്റാന്റ് പരിസരത്തു നിന്നും പ്രസ് ക്ലബ് ഭാഗത്തെക്ക് പോകുന്ന റോഡരികിൽ കെട്ടിടത്തിന്റെ പാര്‍ക്കിംഗ് ഏരിയയില്‍ നിര്‍ത്തിയിട്ട കാറിൽ നിന്നും എം.ഡി.എം.എയുമായി യുവാവിനെ കാസര്‍കോട് പോലീസ് ഇൻസ്പെക്ടർ ടി. നളിനാക്ഷനും സംഘവും അറസ്റ്റ് ചെയ്തു. അഡൂര്‍ പള്ളംകോട് മീത്തലാടി ഹൗസില്‍ എം.എം. മുഹമ്മദ് ഷബാദ്(30) ആണ് അറസ്റ്റിലായത്. സംശയാസ്പദമായി യുവാവ് കാറിൽ കയറുന്നത് ശ്രദ്ധയില്‍പ്പെട്ട പൊലീസ് പരിശോധിച്ചപ്പോഴാണ്. കാറിന്റെ ഡാഷ്‌ബോര്‍ഡിൽ പേഴ്‌സിനകത്ത് ഒളിപ്പിച്ച നിലയില്‍ 1.72 ഗ്രാം എം.ഡി.എം.എ കണ്ടെത്തിയത്. സ്വന്തം ഉപയോഗത്തിനാണ് മയക്കുമരുന്ന് കരുതിയതെന്നാണ് യുവാവിന്റെ പൊഴി. മംഗളൂരുവില്‍നിന്നാണ് എം.ഡി.എം.എ വാങ്ങിയതെന്നും പ്രതി പൊലീസിനോട് പറഞ്ഞു.