കുമ്പള: കുമ്പള ഗ്രാമപഞ്ചായത്ത് ഭരണ സമിതിയുടെ നേതൃത്വത്തിൽ പഞ്ചായത്ത് ഹാളിൽ സംരംഭകത്വ ബോധവത്കരണ ശില്പശാല സംഘടിപ്പിച്ചു.കുമ്പള ഗ്രാമപഞ്ചായത്ത് വികസന സ്റ്റാൻഡിംഗ് കമ്മിറ്റി ചെയർപേഴ്സൺ സബൂറ ശില്ലശാല ഉദ്ഘാടനം നിർവഹിച്ചു.
കടകൾക്കുള്ള സൗജന്യ ഉദ്യമ രജിസ്ട്രേഷൻ, ലൈസൻസ് നേടൽ, പുതിയ സംരംഭം ആരംഭിക്കുന്നതിനുള്ള നടപടിക്രമങ്ങൾ, സബ്സിഡി, വായ്പാ പദ്ധതികൾ, മാർക്കറ്റിംഗ്, ബിസിനസ് വികസനം തുടങ്ങിയ വിഷയങ്ങളിൽ വിപുലമായ ക്ലാസുകൾ സംഘടിപ്പിച്ചു.
വ്യവസായ ഓഫീസ് പ്രതിനിധി ചടങ്ങിൽ സ്വാഗതം പറഞ്ഞു. ക്ഷേമകാര്യ വികസന സ്റ്റാൻഡിംഗ് കമ്മിറ്റി ചെയർമാൻ ബി എ റഹ്മാൻ അധ്യക്ഷത വഹിച്ചു. മെംബർമാരായ യൂസഫ് ഉളുവാർ, വിവകാനന്ദൻ, ഐ സി ഡി എസ് ചെയർപേഴ്സൺ കദിജ എന്നിവർ ആശംസ പ്രസംഗം നടത്തി.
Web Desk 
