The Times of North

Breaking News!

നെടുങ്കണ്ടയിലെ മാട്ടുമ്മൽ രാജൻ അന്തരിച്ചു   ★  സാമ്പത്തിക ഞെരുക്കത്തിന് കാരണം സർക്കാരിന്റെ കെടുകാര്യസ്ഥത: പിസി സുരേന്ദ്രൻ നായർ   ★  കണ്ണാടിപ്പറമ്പ് കൊറ്റാളി കാവ് പൂരോത്സവം നാടു വലംവെപ്പ് ആരംഭിച്ചു   ★  യു.ഡി.എഫ് രാപ്പകൽ സമരം - ഇടത് ദുർഭരണത്തിനുള്ള താക്കീതാകും   ★  അനന്തപുരം കിന്‍ഫ്രാപാര്‍ക്കില്‍ യുവാവ് ഷോക്കേറ്റ് മരിച്ചു   ★  മധ്യവയസ്കൻ ട്രെയിൻ തട്ടി മരിച്ച നിലയിൽ   ★  മധ്യവയസ്കൻ ട്രെയിൻ തട്ടി മരിച്ച നിലയിൽ   ★  കുമ്പളപള്ളി സ്കൂൾ വാർഷികവും ,യാത്രയയപ്പും പ്രീ പ്രൈമറി ഫെസ്റ്റും നാളെ   ★  പരപ്പ ഫെസ്റ്റിൽ സംഘടിപ്പിച്ച ആന്റിഡ്രഗ് ക്യാമ്പയിൻ വെള്ളരിക്കുണ്ട് പോലീസ് സ്റ്റേഷൻ ഇൻസ്പെക്ടർ ടി കെ മുകുന്ദൻ ഉദ്ഘാടനം ചെയ്തു.   ★  പന്തൽ കെട്ടുമ്പോൾ വഴക്കു പറഞ്ഞ വയോധികനെ ആക്രമിച്ചു

എഴുത്തനുഭവങ്ങൾ തേടി വായനക്കാർ ഗ്രന്ഥകാരൻ്റെ വീട്ടിൽ

കരിവെള്ളൂർ : എഴുത്തനുഭവങ്ങൾ തേടി വായനക്കാർ ഗ്രന്ഥകാരൻ്റെ വീട്ടിലെത്തി . ഓർമ്മകളുടെ മടിശ്ശീല കിലുക്കത്തിന് വേദിയായത് നോവലിസ്റ്റും അധ്യാപക അവാർഡ് ജേതാവുമായ കൂക്കാനം റഹ്മാൻ മാഷിൻ്റെ വീട്ടുമുറ്റം.
പാലക്കുന്ന് പാഠശാല ഗ്രന്ഥാലയം താലൂക്ക് ലൈബ്രറി കൗൺസിലിൻ്റെ സഹകരണത്തോടെ സംഘടിപ്പിച്ച വായനായനം പരിപാടിയാണ് സംഘാടനത്തിലെ വ്യത്യസ്ത കൊണ്ട് നവ്യാനുഭവമായത്. കൊടക്കാട് ഗ്രാമത്തിലെ ഓലാട്ട് എ.യു.പി.സ്കൂൾ വിദ്യാർഥിയായിരിക്കെ ക്ലാസ് മുറിക്കകത്തും പുറത്തുമായി തനിക്കുണ്ടായ അനുഭവങ്ങളാണ് ഓർമ്മകൾ കാത്തുവെച്ച ഉടുപ്പുപെട്ടി എന്ന പുസ്തകത്തിലെ പ്രധാന പ്രമേയം. കോളേജ് വിദ്യാഭ്യാസത്തിനും അധ്യാപന വൃത്തിയ്ക്കും പുറമെ അമ്പതു വർഷത്തെ അനൗപചാരിക വിദ്യാഭ്യാസ പ്രവർത്തനങ്ങളും ഗ്രന്ഥകാരൻ നൂറു പേജുള്ള പുസ്തകത്തിൽ വിവരിച്ചിട്ടുണ്ട്. പ്രമുഖ മാധ്യമ പ്രവർത്തകനും കഥാകൃത്തും സീനിയർ ജർണലിസ്റ്റ് ഫോറം കാസർകോട് ജില്ലാ പ്രസിഡൻ്റുമായ വി.വി. പ്രഭാകരൻ പുസ്തകം പരിചയപ്പെടുത്തി. ജീവിക്കുന്ന കാലത്തെയും സമൂഹത്തെയും ദീപ്തമാക്കുന്ന മധുരകരമായ ഓർമ്മകളെല്ലാം കൈമോശം വരുന്ന പൊഞ്ഞാറിൻ്റെ കാലത്താണ് നാം ജീവിക്കുന്നതെന്ന് അദ്ദേഹം പറഞ്ഞു. സംഘാടക സമിതി ചെയർമാൻ ശശിധരൻ ആലപ്പടമ്പൻ അധ്യക്ഷനായി. കൂക്കാനം റഹ്മാൻ, സംസ്ഥാന അധ്യാപക അവാർഡ് ജേതാവ് എം.വി. കരുണാകരൻ മാസ്റ്റർ,ദേശീയ അധ്യാപക അവാർഡ് ജേതാവ് കൊടക്കാട് നാരായണൻ, ടി. മാധവൻ, രാജൻ കയനി, പ്രസന്ന.എ എന്നിവർ സംസാരിച്ചു.

Read Previous

മോട്ടോർ ബൈക്ക് ദുരൂഹ സാഹചര്യത്തിൽ ഉപേക്ഷിച്ച നിലയിൽ

Read Next

കാണാതായ സ്കൂട്ടർ നാടകീയമായി തിരിച്ചെത്തി

Leave a Reply

Your email address will not be published. Required fields are marked *

error: Content is protected !!
n73