Web Desk 
തൃക്കരിപ്പൂർ:ബീരിച്ചേരി, വെള്ളാപ്പ്, ഉദിനൂർ മേൽപ്പാലങ്ങൾ സാങ്കേതിക നൂലാമലയിൽ കുരുക്കി അനന്തമായി നീട്ടി കൊണ്ട് പോകാൻ അനുവദിക്കില്ലെന്നും, സജീവമായ ഇടപെടൽ നടത്തി മേൽപ്പാലങ്ങൾ യാഥാർത്ഥ്യമാക്കിയിട്ടേ വിശ്രമമുള്ളുവെന്ന് രാജ്മോഹൻ ഉണ്ണിത്താൻ എം. പി. പ്രസ്താവിച്ചു.
തൃക്കരിപ്പൂർ നിയോജക മണ്ഡലം യു.ഡി.എഫ്.പ്രതിനിധി സംഘവുമായി എം.പി.യുടെ വസതിയിൽ നടത്തിയ കൂടിക്കാഴ്ചയിലാണ് അദ്ദേഹം ഈപ്രഖ്യാപനം നടത്തിയത്.
യു.ഡി.എഫ്. നിയോജക മണ്ഡലം ചെയർമാൻ പി. കുഞ്ഞിക്കണ്ണൻ, കൺവീനർ എ.ജി.സി. ബഷീർ, ജില്ലാ കോൺഗ്രസ് വൈസ് പ്രസിഡന്റ് അഡ്വ: കെ.കെ.രാജേന്ദ്രൻ, തൃക്കരിപ്പൂർ ഗ്രാമ പഞ്ചായത്ത് പ്രസിഡന്റ് വി.കെ. ബാവ നിയോജക മണ്ഡലം മുസ്ലിം ലീഗ് ജനറൽ സിക്രട്ടറി സത്താർ വടക്കുമ്പാട്, ബ്ലോക്ക് കോൺഗ്രസ് പ്രസിഡന്റ് കെ.വി.വിജയൻ, മണ്ഡലം കോൺഗ്രസ് പ്രസിഡന്റ് എം. രജീഷ് ബാബു എന്നീനേതാക്കളാണ് കൂടിക്കാഴ്ചയിൽ ഉണ്ടായത്.
