നീലേശ്വരം കണിച്ചിറയിൽ മയക്കുമരുന്നുമായി യുവാവ് അറസ്റ്റിൽ

നീലേശ്വരം:മാരക മയക്കുമരുന്നായ മെത്താ ഫെറ്റാമിനുമായി യുവാവിനെ നീലേശ്വരം എക്സൈസ് സംഘം അറസ്റ്റ് ചെയ്തു. നീലേശ്വരം കണിച്ചിറയിലെ മർഹബ വീട്ടിൽ അബ്ദുൽ റൗഫിന്റെ മകൻ എൻ എൻ മുഹമ്മദ് നൗഫൽ ( 26 ) നെയാണ് 1.74 ഗ്രാം മെത്താ ഫെറ്റാമിനുമായി നീലേശ്വരം റൈഞ്ച് എക്സൈസ് ഇൻസ്പെക്ടർ എൻ വൈശാഖും സംഘവും അറസ്റ്റ് ചെയ്തത്. രഹസ്യ വിവരം ലഭിച്ചതിന്റെ അടിസ്ഥാനത്തിൽ കഴിഞ്ഞദിവസം വൈകിട്ട് ആറരയോടെയാണ് കണിച്ചറയിൽ വെച്ച് ഇയാളെ പിടികൂടിയത്.
മയക്കുമരുന്നു പിടികൂടിയ സംഘത്തിൽ അസിസ്റ്റന്റ് എക്സൈസ് ഇൻസ്പെക്ടർ ഗ്രേഡ് കെ. അനീഷ് കുമാർ, പ്രിവന്റീവ് ഓഫീസർ സതീശൻ നാലുപുരക്കൽ , പ്രിവന്റീവ് ഓഫീസർ(ഗ്രേഡ്) കെ.വി പ്രജിത്ത് കുമാർ, സിവിൽ എക്സൈസ് ഓഫീസർമാരായ സുധീർ പാറമ്മൽ , എ.കെ.നസറുദ്ധീൻ,പി.ശൈലേഷ് കുമാർ,സീനിയർ ഗ്രേഡ് ഡ്രൈവർ പി.രാജീവൻ എന്നിവർ ഉണ്ടായിരുന്നു