വീടിന്റെ മേൽക്കൂര തകർന്നു, വൻ അപകടം ഒഴിവായി

നീലേശ്വരം: ശനിയാഴ്ച രാവിലെ ഉണ്ടായ ശക്തമായ മഴയിൽ കോട്ടപ്പുറത്ത് വീടിന്റെ മേൽക്കൂര പൂർണമായും തകർന്നുവീണു. ഭാഗ്യം കൊണ്ട് വൻ ദുരന്തം ഒഴിവായി. കോട്ടപ്പുറം ഫാറൂഖ് നഗറിലെ ബീഫാത്തിമയുടെ വീടിന്റെ ഓട് മേഞ്ഞ അടുക്കള ഭാഗം കനത്ത മഴയിലും കാറ്റിലും തകർന്നു വീണത്. രാവിലെ ഭക്ഷണം പാകം ചെയ്ത ശേഷം വീട്ടുകാർ മെയിൻ ഹാളിലേക്ക് പോഴാണ് മേൽക്കൂര തകർന്നു വീണത്. നീലേശ്വരം നഗരസഭ ക്ഷേമകാര്യ സ്റ്റാൻഡിങ്ങ് കമ്മിറ്റി ചെയർമാൻ ഷംസുദ്ദീൻ അരി ഉൾപ്പെടെയുള്ളവർ സംഭവസ്ഥലം സന്ദർശിച്ചു.