Web Desk 
വാട്സ്ആപ്പ് ഗ്രൂപ്പിൽ അപകീർത്തികരമായ പോസ്റ്റിട്ട അഡ്മിന്മാർക്കെതിരെ ബേക്കൽ പോലീസ് കേസെടുത്തു. കളനാട് കൊട്ടംകൈയിലെ ഡ്രീം ഹൗസിൽ പി എം ബദറുദ്ദീന്റെ പരാതിയിൽ പള്ളിക്കര പള്ളിപ്പുഴയിലെ നദീർ, ആഷിക്, അബ്ദുൽ ഗഫൂർ എന്നിവർക്കെതിരെയാണ് കേസെടുത്തത്. വോയിസ് ഓഫ് പള്ളിക്കര എന്ന വാട്സ്ആപ്പ് ഗ്രൂപ്പിൽ തുടർച്ചയായി അപകീർത്തികരമായ പോസ്റ്റിട്ട് മാനഹാനി ഉണ്ടാക്കി എന്നതിനാണ് ബദറുദ്ദീന്റെ പരാതിയിൽ പോലീസ് കേസെടുത്തത്.
