ഒടുവിൽ ‘ആ കാറിനെ പൊക്കി’

റാണിപുരം ടൂറിസം കേന്ദ്രത്തിൽ നിന്ന് അപകടകരമാംവിധം യാത്ര ചെയ്ത കാറിനെ രാജപുരം പോലീസ് പൊക്കി. ബ്രേക്ക് കുറവായതിനെ തുടർന്ന് നന്നാക്കാനായി നിർത്തിയിട്ട മാലക്കലിലെ വർക്ക്ഷോപ്പിൽ വച്ചാണ് രാജപുരം പോലീസ് കെഎ 21 ഇസെഡ് 1003 നമ്പർ കർണാടക രജിസ്ട്രേഷനിലുള്ള കാറിനെ പൊക്കിയത്. ഡിക്കി തുറന്ന് രണ്ട് യുവാക്കൾ അപകടകരമാംവിധം ഇരുന്ന് സഞ്ചരിക്കുന്ന ദൃശ്യമാണ് ‘ദി ടൈംസ് ഓഫ് നോർത്ത്’ ഉൾപ്പെടെയുള്ള നവമാധ്യമങ്ങളിലൂടെ പുറത്ത് വന്നത്. ഇതിന് പിന്നാലെയാണ് പോലീസ് ഈ കാറിനെ കസ്റ്റഡിയിൽ എടുത്തത്.