The Times of North

Breaking News!

നെടുങ്കണ്ടയിലെ മാട്ടുമ്മൽ രാജൻ അന്തരിച്ചു   ★  സാമ്പത്തിക ഞെരുക്കത്തിന് കാരണം സർക്കാരിന്റെ കെടുകാര്യസ്ഥത: പിസി സുരേന്ദ്രൻ നായർ   ★  കണ്ണാടിപ്പറമ്പ് കൊറ്റാളി കാവ് പൂരോത്സവം നാടു വലംവെപ്പ് ആരംഭിച്ചു   ★  യു.ഡി.എഫ് രാപ്പകൽ സമരം - ഇടത് ദുർഭരണത്തിനുള്ള താക്കീതാകും   ★  അനന്തപുരം കിന്‍ഫ്രാപാര്‍ക്കില്‍ യുവാവ് ഷോക്കേറ്റ് മരിച്ചു   ★  മധ്യവയസ്കൻ ട്രെയിൻ തട്ടി മരിച്ച നിലയിൽ   ★  മധ്യവയസ്കൻ ട്രെയിൻ തട്ടി മരിച്ച നിലയിൽ   ★  കുമ്പളപള്ളി സ്കൂൾ വാർഷികവും ,യാത്രയയപ്പും പ്രീ പ്രൈമറി ഫെസ്റ്റും നാളെ   ★  പരപ്പ ഫെസ്റ്റിൽ സംഘടിപ്പിച്ച ആന്റിഡ്രഗ് ക്യാമ്പയിൻ വെള്ളരിക്കുണ്ട് പോലീസ് സ്റ്റേഷൻ ഇൻസ്പെക്ടർ ടി കെ മുകുന്ദൻ ഉദ്ഘാടനം ചെയ്തു.   ★  പന്തൽ കെട്ടുമ്പോൾ വഴക്കു പറഞ്ഞ വയോധികനെ ആക്രമിച്ചു

പ്രകൃതി പാഠം വരച്ച് കുട്ടി ചിത്രകാരന്മാർ

പുല്ലൂർ: മനസിലുള്ള ഒരൊറ്റ പച്ചയല്ല പ്രകൃതിയിലെ മരപ്പച്ചയെന്ന് അവർ നേരിട്ട് മനസിലാക്കി ചിത്രങ്ങൾ വരച്ചു. ഇളം പച്ചയും കടുംപച്ചയും മഞ്ഞയും നീലയും വർണ്ണങ്ങൾ പലതും ഇടകലർന്ന് പച്ചയുടെ വൈവിധ്യങ്ങളെ തൊട്ടറിഞ്ഞ് പ്രകൃതിയെ വരക്കാനറിങ്ങയപ്പോൾ കുട്ടികൾക്ക് അതൊരു നവ്യാനുഭവമായി. പുല്ലൂർ സ്കൂൾ പരിസരത്തെ പാറപ്പുറത്ത് തഴച്ചു വളർന്നു നിൽക്കുന്ന മരങ്ങളും ഇലപ്പടർപ്പും പുല്ലും പൂക്കളും കല്ലും മതിലും കുട്ടികളുടെ കാൻവാസിൽ ചിത്രങ്ങളായി വിരിഞ്ഞു. ഓരോ കുട്ടിയും തൻ്റെ മുന്നിലെ യഥാർത്ഥ വസ്തുവിനെ നോക്കി വരച്ചപ്പോൾ ഒരോ വസ്തുവിൻ്റെയും വൈവിധ്യം കുട്ടികൾ തിരിച്ചറിഞ്ഞു. പുല്ലൂർ ദർപ്പണം കലാകേന്ദ്രം പുല്ലൂർ ഗവ. യു.പി. സ്കൂൾ പരിസരത്ത് സംഘടിപ്പിച്ച പ്രകൃതിവരയിലാണ് പ്രകൃതിയിലെ വൈവിധ്യങ്ങൾ കുട്ടികൾ ചിത്രത്തിലാക്കിയത്. നിരീക്ഷണ പാഠവം, ആത്മവിശ്വാസം വളർത്തൽ, സ്വതസിദ്ധമായ വരയുടെ വളർച്ച എന്നിവ പ്രകൃതി ചിത്രരചനയിൽ കൂടി നേടാനാകുമെന്ന് ക്യാമ്പിന് നേതൃത്വം നൽകിയ ചിത്രകാരൻ രാജേന്ദ്രൻ പുല്ലൂർ പറഞ്ഞു. ചിത്രകാരി മാധവിയമ്മ അമ്പലത്തറ ചിത്രം വരച്ച് ഉദ്ഘാടനം ചെയ്തു. ചിത്രകാരന്മാരായ അനീഷ് ബന്തടുക്ക, രാം ഗോകുൽ പെരിയ എന്നിവർ ക്ലാസ്സുകൾ നിയന്ത്രിച്ചു. സ്കൂൾ പ്രഥമാധ്യാപകൻ പി. ജനാർദ്ദനൻ, ചിത്രകാരൻ രാജേന്ദ്രൻ പുല്ലൂർ, പ്രസാദ് അമ്പലത്തറ, ശശിധരൻ കണ്ണങ്കോട്ട്, കെ. ബാബു എന്നിവർ സംസാരിച്ചു.

Read Previous

കാമുകിയുടെ വീട്ടിലെത്തിയ യുവാവിനെ കാറിൽ തട്ടിക്കൊണ്ടുപോയി ക്രൂരമായി മർദ്ദിച്ചു

Read Next

സിപിഎം ബഹുജന കൂട്ടായ്മയിൽ വയനാട് ദുരിതാശ്വാസനിധിയിലേക്ക് കമ്മൽ ഊരി നൽകി നാലാം ക്ലാസുകാരി

Leave a Reply

Your email address will not be published. Required fields are marked *

error: Content is protected !!
n73