ആത്മഹത്യക്ക് ശ്രമിച്ചയാളെ ജീവിതത്തിലേക്ക് കൈപിടിച്ചെത്തിച്ച പോലീസുദ്യോഗസ്ഥന് ജില്ലാ പോലീസ് മേധാവിയുടെ അനുമോദനം

നീലേശ്വരം: ആത്മഹത്യ ചെയ്യാൻ ഇറങ്ങിയ ആളെ അതിൽ നിന്ന് പിൻതിരിപ്പിച്ച് ജീവിതത്തിലേക്ക് തിരിച്ചു നടത്തിയ സിവിൽ പോലീസ് ഓഫീസർക്ക് ജില്ലാ പോലീസ് മേധാവിയുടെ അഭിനന്ദനം.നീലേശ്വരം പോലീസ് സ്റ്റേഷൻ സിനിയർ സിവിൽ പോലീസ് ഓഫീസ്സറായ ഒ.വി ഷജിൽകുമാറിനെയാണ് ജില്ലാ പോലീസ് ആസ്ഥാനത്ത് വച്ച് നടന്ന പരിപാടിയിൽ ജില്ലാ പോലീസ് മേധാവി പി. ബിജോയ് അനുമോദനപത്രം നൽകിയത് .3 മാസം മുമ്പ് തൃക്കരിപ്പൂരിലെ വീട്ടിൽ നിന്നും സ്റ്റേഷനിലേക്ക് വരവേ കുടുംബ പ്രശ്നത്തെത്തുടർന്ന് കാര്യങ്കോട് പാലത്തിൽ നിന്നും പുഴയിലേക്ക് ചാടാൻ നിന്ന ആളെയാണ് ഷിജിൽ അനുനയിപ്പിച്ച് സ്റ്റേഷനിൽ എത്തിച്ച് മക്കളെ വിളിച്ച് വരുത്തി ബന്ധുക്കളോടൊപ്പം വിട്ടയച്ചത്. ഈ മാതൃകാപരമായ പ്രവർത്തനം നടത്തിയതിനാണ് ഷിജിൽ കുമാറിനെ എസ് പി അഭിനന്ദിച്ചത്.